Tuesday, April 23, 2024
Homeकोल्हापूरसाधा मास्क ; रुमाल असल्यास तरीही दंडात्मक कारवाई : जिल्हाधिकारी

साधा मास्क ; रुमाल असल्यास तरीही दंडात्मक कारवाई : जिल्हाधिकारी

ताजी बातमी ऑनलाईन टीम

जिल्हाधिकारी रेखावार पुढे म्हणाले की, साधा मास्क, रुमाल असला तरी दंडात्मक कारवाई होईल. एन 95 अथवा तीन पदरी कापडी मास्क आवश्यक असल्याचे त्यांनी सांगितले. दरम्यान, कोगनोळी टोल नाक्यावर राज्यातून कर्नाटकात प्रवेश देताना RT-PCR निगेटिव्ह रिपोर्ट आवश्यक आहे. ते नसल्यास कोणत्याही परिस्थितीत राज्यात कोणालाही प्रवेश देऊ नये असा आदेश काढला आहे.

या पार्श्वभुमीवर कोल्हापूर जिल्ह्यासह राज्यात येणाऱ्या प्रवाशांना आता कोरोना निगेटिव्ह चाचणी किंवा दोन डोस आवश्यक असणार आहेत.

जिल्हाधिकारी रेखावार म्हणाले, कोरोना ओमायक्रॉन व्हेररियंटची घातकता लक्षात घेता मास्कचा वापर अनिवार्य आहे. ज्या व्यक्ती मास्कचा वापर करणार नाहीत त्यांच्याकडून शासनाने निर्धारित केलेला दंड वसूल केला जाईल. कोविड नियमांचे पालन न करणा-या व्यक्ती तसेच संस्था,आस्थापना या दंडास पात्र असतील.

कोविड़ अनुरूप वर्तनाचे पालन न करणान्या कोणत्याही व्यक्तीला असा कसूर केल्याच्या प्रत्येक प्रसंगी रुपये ५०० रुपये इतका दंड करण्यात येईल. ज्यांनी आपले अभ्यागत, ग्राहक, इत्यादीवर कोविड अनुरूप वर्तन ठेवणे अपेक्षित आहे अशा संस्थेच्या किंवा आस्थापनेच्या कोणत्याही जागेत किंवा परिसरात जर एखाद्या व्यक्तीने कसूर केल्याचे दिसून आले तर, त्या व्यक्तीवर दंड लादण्याव्यतिरिक्त, अशा संस्थाना किंवा आस्थापनांना सुद्धा रुपये १०,००० रुपये इतका दंड करण्यात येईल.

RELATED ARTICLES
- Advertisment -
- Advertisment -
- Advertisment -