ताजी बातमी ऑनलाइन टीम
राधानगरी धरण पाणलोट क्षेत्रात सातत्याने सुरू असलेल्या मुसळधार तसेच दमदार पावसाने कहर केला असून हा पाऊस सुरूच आहे. यामुळे राधानगरी धरणाचा शंभर टक्के भरले असून आज सकाळी दहा वाजून पाच मिनिटांनी राधानगरी धरणाचा एक दरवाजा उघडला आहे. धरणाचा हा सहाव्या क्रमांकाचा दरवाजा असून यातून आता 2928 क्युसेक पाण्याचा विसर्ग सुरू झाला आहे.
अशी होती सकाळची स्थिती….
राधानगरी धरण पाणलोट क्षेत्रात सातत्याने सुरू असलेल्या मुसळधार तसेच दमदार पावसाने राधानगरी धरण आता 98.20% भरले आहे. सध्या धरणाची पाणी पातळी 346.72 फूट झाली आहे. आता अर्धा फूट पाणी धरण पूर्ण क्षमतेने भरण्यास कमी आहे.
यामुळे पावसाचा जोर असाच कायम राहिल्यास या धरणाची दरवाजे आता कोणत्याही क्षणी उघडू शकतात. दरम्यान धरणातून वीजगृहासाठी दीड हजार क्युसेक पाण्याचा विसर्ग सुरू आहे. ही सर्व परिस्थिती पाहता नदीकाठच्या नागरिकांनी सतर्क राहण्याचे आवाहन प्रशासनाने केले आहे.
