इंडियन प्रीमियर लीग (IPL) 2025 च्या नव्या हंगामाची सुरूवात शनिवारी 22 मार्च रोजी कोलकाता नाईट रायडर्स (KKR) आणि रॉयल चॅलेंजर्स बंगळुरू (RCB) यांच्या सामन्याने होईल. हा सामना कोलकात्यातील ईडन गार्डन्स स्टेडियमवर खेळला जाईल. पण, सामन्यापूर्वी एक उद्घाटन समारंभ आयोजित केला जाईल, ज्यामध्ये काही बॉलिवूड स्टार कार्यक्रमात अजून रंग भरतील.
KKR vs RCB पहिल्या सामन्यावर पावसाचं सावट
बंगाल क्रिकेट असोसिएशनचे (CAB) अध्यक्ष स्नेहाशिष गांगुली म्हणाले की, उद्घाटन समारंभ सामना सुरू होण्यापूर्वी होईल आणि तो 35 मिनिटे चालेल. कार्यक्रम नाणेफेकीपूर्वी सुरू होईल. सामन्यादरम्यान पाऊस पडण्याची शक्यता आहे, त्यामुळे उद्घाटन समारंभ किंवा सामना कोणत्याही प्रकारे व्यत्यय आणतो का हे पाहणे मनोरंजक असेल. गांगुली म्हणाले, भारतीय क्रिकेट नियामक मंडळाने (BCCI) आम्हाला उद्घाटन समारंभासाठी 35 मिनिटे दिली आहेत. या काळात आपल्याला दरवर्षीप्रमाणे संपूर्ण कार्यक्रम आयोजित करावा लागेल.
यावेळी केकेआरचे नेतृत्व अजिंक्य रहाणे करणार आहे, तर आरसीबीचे नेतृत्व रजत पाटीदार करणार आहे. गेल्या हंगामात केकेआरने अंतिम सामन्यात सनरायझर्स हैदराबादला हरवून विजेतेपद पटकावले होते. रहाणेसमोर जेतेपद राखण्याचे आव्हान असेल तर पाटीदारकडे जे करण्याची संधी आहे, ते त्याच्या आधी कोणत्याही आरसीबी कर्णधाराला करता आले नाही. बेंगळुरू संघाने कधीही आयपीएल जिंकलेले नाही आणि पाटीदार संघाला फ्रँचायझीला पहिले विजेतेपद मिळवून देण्याची संधी असेल. केकेआर आणि आरसीबी यांच्यातील हा सामना संध्याकाळी 7.30 वाजता सुरू होईल आणि टॉस त्याच्या अर्धा तास आधी म्हणजे संध्याकाळी 7.00 वाजता होईल.
आयपीएल 2025 चा उद्घाटन सोहळा कधी सुरू होईल?
आयपीएल 2025 चा उद्घाटन समारंभ शनिवार, 22 मार्च रोजी भारतीय वेळेनुसार संध्याकाळी 6.00 वाजता सुरू होईल.
आयपीएल 2025 चा उद्घाटन समारंभ कुठे होणार आहे?
आयपीएल 2025 चा उद्घाटन समारंभ कोलकात्यातील ईडन गार्डन्स येथे होणार आहे.
आयपीएल 2025 च्या उद्घाटन समारंभाची तिकिटे कुठे उपलब्ध असतील?
आयपीएल 2025 च्या उद्घाटन समारंभासाठी वेगळी तिकिटे खरेदी करण्याची गरज नाही. ज्यांच्याकडे केकेआर आणि आरसीबी यांच्यातील आयपीएल 2025 च्या पहिल्या सामन्याची तिकिटे आहेत ते या कार्यक्रमाचा आनंद घेऊ शकतील.
आयपीएल 2025 च्या उद्घाटन समारंभाला कोण कोण येणार आहे?
प्रसिद्ध बॉलीवूड गायिका श्रेया घोषाल, पंजाबी गायक करण औजला आणि बॉलीवूड अभिनेत्री दिशा पटानी आयपीएल 2025 च्या उद्घाटन समारंभात येणार आहे.
आयपीएल 2025 चा उद्घाटन समारंभ आपण कोणत्या टीव्ही चॅनेलवर पाहू शकतो?
आयपीएल 2025 चा उद्घाटन समारंभ स्टार स्पोर्ट्स वाहिन्यांवर पाहता येईल.
