चेन्नईचा चेन्नईत पराभव, आरसीबीचा 50 धावांनी विजय

आयपीएलच्या 18 व्या मोसमातील (IPL 2025) 8 व्या सामन्यात चेन्नई सुपर किंग्स (Chennai Super Kings) विरुद्ध रॉयल चॅलेंजर्स बंगळुरु (Royal Challengers Bengaluru) आमनेसामने होते. उभयसंघातील या सामन्याचं आयोजन हे चेन्नईतील एमए चिदंबरम स्टेडियममध्ये करण्यात आलं होते. दोन्ही संघांचा हा या हंगामातील दुसरा सामना होता. आरसीबीने या सामन्यात चेन्नईवर 50 धावांनी दणदणीत विजय मिळवला. आरसीबीचा हा या 18 व्या मोसमातील सलग दुसरा विजय ठरला. आरसीबीने चेन्नईला 197 धावांचं आव्हान दिलं होतं. मात्र चेन्नईला 20 ओव्हरमध्ये 8 विकेट्स गमावून फक्त 146 धावाच करता आल्या. आरसीबीने या विजयासह पॉइंट्स टेबलमध्ये पहिल्या स्थानी झेप घेतली.