नवरा बायकोच्या भांडणामध्ये 11 महिन्यांच्या चिमुकल्याचा मृत्यू झाल्याची घटना दौंड तालुक्यातील केडगागमध्ये घडली. बायकोने नवऱ्याला मारताना हातातील त्रिशूल हा तिथे असलेल्या चिमुकल्याला लागला आणि त्याचा मृत्यू झाला.
अवधूत मेंगवडे असं मृत चिमुकल्याचं नाव आहे. या प्रकरणी गुन्हा नोंद करण्यात आला आहे.
मिळालेल्या प्राथमिक माहितीनुसार, सचिन मेंगवडे हे केडगावमध्ये राहतात. किरकोळ गोष्टीवरून त्यांचे बायकोसोबत भांडण सुरू झालं. त्यावेळी बायकोने नवऱ्याला मारण्यासाठी त्रिशूल घेतला. पण तो त्रिशूल बाजूला भावजयेच्या कड्यावर असलेल्या मुलाला लागला.
जखमी झालेल्या चिमुकल्याला रुग्णालयात नेण्यात आले. पण त्याचा जीव वाचू शकला नाही. नवरा बायकोच्या भांडणात निष्पाप मुलाचा जीव गेल्याने परिसरात हळहळ व्यक्त केली जात आहे.
अंधश्रद्धेतून घटना घडल्याचा संशय
घटनेची माहिती मिळताच पोलिस त्या ठिकाणी दाखल झाले. या प्रकरणी यवत पोलिस स्टेशनमध्ये गुन्हा नोंदवला आहे. असं असली तरी पोलिसांना वेगळाच संशय येतोय. हा प्रकार कोणत्या अंधश्रद्धेतून घडला आहे का या दृष्टीने पोलिस तपास करत आहेत.
