मध्य रेल्वेने चाकरमान्यांसाठी आनंदाची बातमी दिली आहे. मध्य रेल्वेने गणेशोत्सवाच्या काळात भाविकांच्या सोयीसाठी २४६ गणपती विशेष ट्रेन चालविण्याची घोषणा केली आहे. या ट्रेनमध्ये एसी, स्लीपर आणि अनारक्षित अशा १८४ मिश्र स्पेशल ट्रेन असणार आहे. तर ६२ अनारक्षित विशेष ट्रेन असणार आहेत. कोकणात गणेशोत्सवासाठी चाकरमानी दरवर्षी कोकणात दोन ते चार दिवस जाऊन गणपती सण साजरा करत असतात. मध्य रेल्वेच्या नियमित ट्रेनचे आरक्षण नुकतेच सुरु होऊन फुल्ल देखील झाले आहे. आता या स्पेशल ट्रेनचे आरक्षण १ , २ आणि ३ ऑगस्ट पासून आयआरसीटीसीच्या वेबसाईटवरुन सुरु होत आहे.
मध्य रेल्वे द्वारे येणाऱ्या गणेशोत्सवाच्या काळात भाविकांच्या सोयीसाठी २४६ गणपती विशेष गाड्या चालवणार आहे. यामध्ये खालील गाड्यांचा समावेश आहे:
• सीएसएमटी येथून सुटणाऱ्या गाड्या – ९८ फेऱ्या
• लोकमान्य टिळक टर्मिनस येथून सुटणाऱ्या गाड्या – ७६ फेऱ्या
• पुणे येथून सुटणाऱ्या गाड्या – १० फेऱ्या
• अनारक्षित विशेष गाड्या – ६२ फेऱ्या
गणपती विशेष ट्रेनचा तपशील:
१) सीएसएमटी, मुंबई- सावंतवाडी रोड – सीएसएमटी, मुंबई दैनिक विशेष गाडी (३२ फेऱ्या )
ट्रेन क्रमांक 01103 दि. ११ ते दि. २६ सप्टेंबर या काळात दररोज सीएसएमटी येथून दु. ३.३० वाजता सुटेल आणि सावंतवाडी रोड येथे दुसऱ्या दिवशी सकाळी ४ वाजता पोहोचेल. (१६ फेऱ्या)
ट्रेन क्रमांक 01104 दि. १२ ते दि. २७ सप्टेंबर या काळात दररोज सावंतवाडी रोड येथून सकाळी ४.३५ वाजता सुटेल आणि सीएसएमटी, मुंबई येथे त्याच दिवशी दुपारी ४.४० वाजता पोहोचेल. ( १६ फेऱ्या)
थांबा: दादर, ठाणे, पनवेल, पेण, रोहा, माणगाव, वीर, खेड, चिपळूण, कामथे, सावरडा, आरवली रोड, संगमेश्वर रोड, रत्नागिरी, अडावली, विलावडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ आणि झाराप.
डब्यांची रचना : २ वातानुकूलित तृतीय, १२ शयनयान, ६ सामान्य द्वितीय श्रेणी आणि २ द्वितीय आसनासह गार्ड्स ब्रेक व्हॅन.
२) सीएसएमटी, मुंबई – सावंतवाडी रोड – सीएसएमटी, मुंबई – दैनिक विशेष गाडी ( ३४ फेऱ्या )
विशेष ट्रेन क्रमांक 01151 दि. ११ ते दि. २७ सप्टेंबर या कालावधीत दररोज सीएसएमटी, मुंबई येथून रात्री १२.२५ वाजता सुटेल आणि सावंतवाडी रोड येथे त्याच दिवशी दुपारी २.२० वाजता पोहोचेल. (१७ फेऱ्या )
विशेष ट्रेन क्रमांक 01152 दि. ११ ते दि. २७ सप्टेंबर या काळात दररोज सावंतवाडी रोड येथून दु. ३.३५ वाजता सुटेल आणि सीएसएमटी, मुंबई येथे दुसऱ्या दिवशी दु.०४.३५ वाजता पोहोचेल. (१७ फेऱ्या)
थांबा : दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ आणि झाराप
डब्यांची रचना : २ वातानुकूलित तृतीय, १२ शयनयान, ६ सामान्य द्वितीय श्रेणी आणि २ द्वितीय आसनासह गार्ड्स ब्रेक व्हॅन
