ताजी बातमी ऑनलाईन टीम
मायानगरीत अनेक तरुण स्टार बनण्याची स्वप्ने घेऊन येतात. बहुतेक निराशेतून परततात, तर काही चित्रपट किंवा टीव्ही इंडस्ट्रीत स्थिरावतात. अशीच एक तरुणी 30 वर्षीय आकांक्षा मोहन मुंबईत आली. चित्रपटसृष्टीत येण्यासाठी तिने खूप संघर्ष केला. मॉडेलिंग केली पण ती यशस्वी झाली नाही आणि तिने हार पत्करून आत्महत्या केली. मृत्यूपूर्वी मॉडेलने एक अतिशय हृदयस्पर्शी सुसाईड नोट लिहिली होती. तिने लिहिले की तिला आनंद नव्हे, तर शांती हवी आहे म्हणून आत्महत्या करत आहे.
आकांक्षा हिचा मृतदेह हॉटेलच्या खोलीत फासावर लटकलेल्या अवस्थेत आढळून आला. तिने सुसाईड नोटमध्ये तिला आनंद नको नसून शांतता हवी असल्याचे लिहिल्याने नैराश्यातून तिने आत्महत्येचे पाऊल उचलल्याचा संशय पोलिसांना आहे.
दार उघडले नाही तेव्हा आली शंका
हॉटेल व्यवस्थापकाने पोलिसांना कळवल्यानंतर ही घटना उघडकीस आली, असे वर्सोवा पोलिस स्टेशनच्या वरिष्ठ अधिकाऱ्याने सांगितले. आकांक्षा हॉटेलच्या खोलीतून बाहेर न आल्याने कर्मचाऱ्याने खोलीचा दरवाजा ठोठावला. अनेकवेळा ठोठावल्यानंतरही दरवाजा उघडला नाही, त्यानंतर त्यांना शंका आली.
हॉटेलमध्ये पोहोचल्यानंतर काही वेळातच घेतली फाशी
माहिती मिळताच पोलिसांचे पथक हॉटेलमध्ये पोहोचले आणि दरवाजा तोडून आत प्रवेश केला. तिचा मृतदेह पंख्याला लटकलेल्या अवस्थेत आढळून आला. अधिकाऱ्याने सांगितले की घटनास्थळावरून एक सुसाईड नोट सापडली आहे ज्यावर ‘मला माफ करा’ असे लिहिले आहे. या घटनेला कोणीही जबाबदार नाही. मला आनंद नको, शांतता हवी आहे.
कामासाठी धडपडत होती
कामासाठी धडपडणारी मॉडेल मुंबईतील लोखंडवाला भागातील यमुना नगर सोसायटीत तिच्या आई-वडिलांसोबत राहत होती. बुधवारी रात्री एक वाजण्याच्या सुमारास ती हॉटेलमध्ये आली होती. खोलीत गेल्यावर त्याने स्वतःला आतून कोंडून घेतले. अंधेरीतील वर्सोवा पोलीस ठाण्यात मॉडेलच्या अनैसर्गिक मृत्यूची नोंद करण्यात आली आहे.
