भारताने गेल्या पाच वर्षांत दक्षिण आफ्रिकेविरुद्ध टी-२० मालिका गमावलेली नाही. तीन सामन्यांच्या मालिकेतील पहिला सामना पावसाने पावसामुळे रद्द झाला असून आता फक्त दोन सामने बाकी आहेत. भारतासमोर केवळ मालिका जिंकण्याचे आव्हान नाही, तर पुढील वर्षी वेस्ट इंडिज आणि अमेरिकेत होणाऱ्या टी-२० विश्वचषकापूर्वी केवळ पाच टी-२० सामने खेळायचे आहेत. या पाच टी-२० सामन्यांच्या आधारे भारताला विश्वचषकासाठी आपला संघ निवडायचा आहे.दक्षिण आफ्रिकेतील खेळपट्ट्यांवर अतिरिक्त बाऊन्स असतो जेथे भारताच्या युवा फलंदाजांची कसोटी लागणार आहे. शुभमन गिल, ऋतुराज गायकवाड आणि यशस्वी जयस्वाल यांच्यामध्ये भारतीय संघ व्यवस्थापन कोणाला सलामीसाठी पाठवते हे पाहणे उत्सुकतेचे ठरणार आहे. ऋतू आणि यशस्वी सलामीला उतरण्याची शक्यता जास्त आहे, तर शुभमनला विराट कोहलीची जबाबदारी अर्थात तिसऱ्या क्रमांकावर खेळण्याची संधी मिळेल. मात्र, तिघेही खेळले तर मधल्या फळीतील एका खेळाडूला कमी करावे लागेल. श्रेयस अय्यर, रिंकू आणि कर्णधार सूर्या खेळणार हे निश्चित. इशान किशन की जितेश शर्मा यापैकी कोणाला संधी मिळेल यावर प्रश्नचिन्ह आहे. जितेश शर्माला यष्टिरक्षणाची जबाबदारी मिळण्याची शक्यता अधिक आहे.अशा परिस्थितीत ऋतू, यशस्वी आणि शुभमन या तिघांनाही एकत्र खेळवणं जवळपास अशक्य आहे. शुभमन किंवा ऋतुराज या दोघांपैकी एकाला खेळण्याची संधी मिळू शकते, जे यशस्वीसोबत सलामी देऊ शकतात. यशस्वीमध्ये सुरुवातीलाच कोणत्याही गोलंदाजाची लाईन-लेन्थ खराब करण्याची क्षमता आहे.गोलंदाजीत जसप्रीत बुमराह आणि अर्शदीप सिंग हे विश्वचषक संघात निवडले जाण्याचे मोठे दावेदार आहेत. बुमराह टी-२० विश्वचषकापासून खेळत नाहीये. दीपक चहर सध्या आपल्या आजारी वडिलांची काळजी घेण्यासाठी भारतात आहे. ऑस्ट्रेलियाविरुद्ध कुलदीप यादव आणि रवी बिश्नोई यांनी छाप पाडली. आता या मालिकेत रवींद्र जडेजाही त्यांच्यासोबत आला आहे.
दोन्ही संघांचे संभाव्य प्लेइंग इलेव्हन
भारत:
यशस्वी जयस्वाल, शुभमन गिल/ऋतुराज गायकवाड, श्रेयस अय्यर, सूर्यकुमार यादव (कर्णधार), रिंकू सिंग, जितेश शर्मा (यष्टीरक्षक), रवींद्र जडेजा, मुकेश कुमार, कुलदीप यादव/रवी बिश्नोई, मोहम्मद सिराज, अर्शदीप सिंग.
दक्षिण आफ्रिका:
रीझा हेंड्रिक्स, मॅथ्यू ब्रिट्झके, एडन मार्कराम (कर्णधार), ट्रिस्टन स्टब्स/हेन्रिक क्लासेन (विकेटकीपर), डेव्हिड मिलर, डोनोव्हन फरेरा, मार्को जॅन्सेन/अँडिले फेहलुकवायो, केशव महाराज, गेराल्ड कोएत्झी, नांद्रे बर्गर, तबरेझ शामसी.
