दि.०७ सप्टेंबर २०२४ पासुन गणेशोत्सवास सुरुवात होणार आहे. इचलकरंजी शहरात सार्वजनिक गणेशोत्सव मोठ्या प्रमाणात साजरा करण्यात येतो. या अनुषंगाने इचलकरंजी शहरात कायदा व सुव्यवस्थेचे पालन करुन शहरवासीयांना अत्यंत आनंदी वातावरणात गणेशोत्सव साजरा करता यावा यासाठी महापालिका,पोलिस, महसूल प्रशासन यासह इतर संबंधित प्रशासकीय यंत्रणांच्या अधिकारी यांचे समवेत संयुक्त बैठक महानगरपालिकेचे आयुक्त तथा प्रशासक ओमप्रकाश दिवटे यांनी अति.आयुक्त प्रसाद काटकर, उपायुक्त स्मृती पाटील यांच्या प्रमुख उपस्थितीत शुक्रवार दि. २३ ऑगस्ट रोजी आयोजित करण्यात आलेली होती.
सदर बैठकीत आयुक्त तथा प्रशासक ओमप्रकाश दिवटे यांनी
येणारा गणेशोत्सव शहरातील सर्व नागरिकांना अत्यंत चांगल्या आणि आनंदी वातावरणात साजरा करणेत यावा यासाठी शहरातील सर्व शासकीय यंत्रणांनी एकमेकांशी योग्य पद्धतीने समन्वय साधून काम करावे असे आवाहन केले.
या अनुषंगाने शहरातील गणेश मूर्ती आगमन आणि विसर्जन मार्गावरील रस्ते दुरुस्ती तातडीने करणेचे तसेच श्रीगणेश मूर्तींना अडथळा निर्माण होत असलेल्या झाडांच्या फांद्या तोडणेचे आदेश संबंधित विभाग प्रमुख यांना दिले. तसेच गणेशोस्तवाच्या अनुषंगाने आवश्यक कामांच्या निविदा प्रक्रिया पूर्ण करणेच्या सूचना सर्व विभाग प्रमुख यांना दिल्या.
त्याचबरोबर आगमन आणि विसर्जन मिरवणुक मार्गावरील अडथळा निर्माण होत असलेल्या विद्युत तारांची उंची आवश्यकते नुसार वाढविण्यासाठी एम.एस.ई.
बी. प्रतिनीधी आणि शहर वाहतूक नियंत्रण शाखा यांचेशी समन्वयक साधून कार्यवाही करणेच्या सुचना दिल्या.
त्याचबरोबर आगमन आणि विसर्जन मिरवणुक मार्गावरील अडथळा निर्माण होत असलेल्या विद्युत तारांची उंची आवश्यकते नुसार वाढविण्यासाठी एम.एस.ई.
बी. प्रतिनीधी आणि शहर वाहतूक नियंत्रण शाखा यांचेशी समन्वयक साधून कार्यवाही करणेच्या सुचना दिल्या.
गणेशोत्सव कालावधीत मोठ्या संख्येने नागरिक देखावे तसेच गणेश मूर्ती पाहण्यासाठी बाहेर पडतात त्यामुळे शहरात वाहतूक कोंडी निर्माण होत असते त्यामुळे शहरातील मुख्य गर्दीच्या ठिकाणी नागरिकांच्या वाहनांसाठी
पार्किंगची व्यवस्था करणेच्या सुचना दिल्या.
या बैठकीसाठी अप्पर तहसीलदार सुनील शेरखाने, महावितरण कार्यकारी अभियंता प्रशांत राठी, सार्वजनिक बांधकाम विभागाचे उप अभियंता शिवाजी पाटील, मुख्य वित्त व लेखा अधिकारी विकास खोळपे, मुख्य लेखा परीक्षक आरती खोत, कार्यकारी अभियंता सुभाष देशपांडे, आरोग्य अधिकारी डॉ. सुनिलदत्त संगेवार, सहा.आयुक्त केतन गुजर, सहायक पोलिस निरिक्षक विजय गोडसे, प्रशांत निशानदार, सहा. आयुक्त विजय राजापुरे, शहर अभियंता महेंद्र क्षिरसागर, विद्युत अभियंता संदीप जाधव, प्रशासन अधिकारी इरफान पटेल, अग्निशमन अधिकारी सौरभ साळुंखे, परिवहन महामंडळाचे सागर पाटील, उद्यान पर्यवेक्षक सुनिल बेलेकर, माहिती व जनसंपर्क अधिकारी नितिन बनगे, क्रीडा अधिकारी संजय शेटे, आपत्ती व्यवस्थापन विभागाचे संजय कांबळे, विजय पाटील, आदी अधिकारी उपस्थित होते.
