राज्यातील पहिली ते दहावीपर्यंतच्या विद्यार्थ्यांसाठी एक दिलासादायक बातमी आहे. जुलै महिना शेवटच्या टप्प्यात असताना, आता सर्वांचे लक्ष ऑगस्ट महिन्याकडे वळले आहे. कारण या महिन्यात सणासुदीमुळे शाळांना भरपूर सुट्ट्या मिळणार आहेत.
ऑगस्ट महिन्यात रक्षाबंधन, स्वातंत्र्य दिन, गोपाळकाला आणि विशेषतः गणेशोत्सव असल्यामुळे राज्यभरातील विद्यार्थ्यांना सुट्ट्यांचा लाभ होणार आहे. शाळकरी मुलांसाठी हा महिना विशेष आनंददायक ठरणार आहे.
दरवर्षी श्रावण महिन्याच्या सुरुवातीस सणांचा हंगाम सुरू होतो आणि यंदाही त्याला अपवाद नाही. यंदाच्या गणेशोत्सवाच्या पार्श्वभूमीवर मुंबई व कोकणातील शाळांना विशेष सुट्ट्या दिल्या जात आहेत. त्यामुळे इतर भागांपेक्षा तिथे विद्यार्थ्यांना जास्त सुट्ट्या मिळणार आहेत.
शाळांना ऑगस्टमध्ये मिळणाऱ्या सुट्ट्या
9 ऑगस्ट 2025: रक्षाबंधन राज्यभर सुट्टी
10 ऑगस्ट 2025: रविवार साप्ताहिक सुट्टी
15 ऑगस्ट 2025: स्वातंत्र्य दिन आणि पारशी नववर्ष -दुहेरी सुट्टी
16 ऑगस्ट 2025: गोपाळकाला / दहीहंडी – सणानिमित्त सुट्टी
17 ऑगस्ट 2025: रविवार – साप्ताहिक सुट्टी
24 ऑगस्ट 2025: रविवार – नियमित सुट्टी
27 ऑगस्ट 2025: गणेश चतुर्थी -संपूर्ण राज्यात शाळांना सुट्टी
मुंबई आणि कोकणातील विशेष गणेशोत्सव सुट्टी
मुंबई व कोकणात गणेशोत्सव मोठ्या उत्साहात साजरा केला जात असल्याने तिथल्या शाळांना 27 ऑगस्ट ते 2 सप्टेंबर 2025 या सात दिवसांची सलग सुट्टी दिली जाणार आहे. यामध्ये यावर्षी दोन दिवसांची अतिरिक्त सुट्टी देण्यात आली आहे.
राज्यातील इतर जिल्ह्यांतील शाळांना मात्र फक्त गणेश चतुर्थीच्या दिवशी (27 ऑगस्ट) आणि विसर्जनाच्या दिवशीच शाळा बंद राहतील.
वरील माहिती ही शासकीय सुचना, माध्यम रिपोर्ट्स आणि संभाव्य तारखांच्या आधारे तयार करण्यात आली आहे. स्थानिक शाळांच्या वेळापत्रकात फरक असू शकतो. कृपया आपल्या शाळेच्या अधिकृत सुचनांनुसार अंतिम निर्णय घ्यावा.
FAQs: वारंवार विचारले जाणारे प्रश्न
प्र. 1: ऑगस्टमध्ये राज्यातील सर्व शाळांना किती सुट्ट्या मिळणार?
सरासरी 8 ते 10 दिवस सुट्ट्या मिळू शकतात, पण जिल्ह्यानुसार यात थोडा फरक असू शकतो.
प्र. 2: मुंबई आणि कोकणातील शाळांना गणेशोत्सवासाठी किती दिवस सुट्टी आहे?
27 ऑगस्ट ते 2 सप्टेंबर 2025 – सात दिवसांची सलग सुट्टी.
प्र. 3: इतर जिल्ह्यांमध्ये गणेशोत्सवासाठी किती दिवस शाळा बंद राहणार?
फक्त गणेश चतुर्थी आणि विसर्जनाच्या दिवशीच सुट्टी दिली जाते.
ऑगस्टला कोणकोणत्या कारणांमुळे सुट्टी आहे?
स्वातंत्र्य दिन व पारशी नववर्ष, दोन्ही निमित्ताने.
प्र. 5: दहीहंडीचा दिवस कोणता आणि त्याला सुट्टी आहे का?
16 ऑगस्ट 2025 – राज्यभर दहीहंडी निमित्त सुट्टी आहे.
