मुदत संपूनही दुसरा डोस न घेणार्‍या नागरिकांची संख्या पावणेतीन लाख

जिल्ह्यात सुरू असलेल्या कोरोना प्रतिबंधक लसीकरण मोहिमेत पहिला डोस घेतल्यानंतर 84 दिवस पूर्ण केलेल्या नागरिकांची संख्या 2 लाख 88 हजार 964 इतकी आहे. जिल्ह्यात लस मोठ्या प्रमाणात शिल्लक आहे. तरी देखील नागरिकांनी दुसर्‍या डोसकरिता पाठ फिरविली आहे. आरोग्य विभागाच्या वतीने लसीकरणाची गावनिहाय सुविधा उपलब्ध करून देण्याचा प्रयत्न करण्यात येत आहे. तरी देखील दुसर्‍या डोसबाबत नागरिकांडून दाखविण्यात येत असलेली उदासीनतेमुळे आरोग्य यंत्रणा देखील हतबल झाली आहे.

दरम्यानच्या काळामध्ये लस पुरेशा प्रमाणात उपलब्ध होऊ लागल्यामुळे आरोग्य विभागाच्या वतीने जास्तीत जास्त लसीकरण व्हावे याकरिता विविध उपक्रम राबविण्यात येत आहे. तरीदेखील आजअखेर पहिला डोस घेऊन 84 दिवसांचा कालावधी झाल्यानंतर 2 लाख 88 हजार 964 नागरिकांनी अद्याप दुसरा डोस घेतलेला नाही.

Open chat
Join our WhatsApp group