संतश्रेष्ठ ज्ञानेश्‍वर महाराज आषाढी पायी वारी पालखी सोहळा दोन वर्षांनंतर पुन्हा मोठ्या उत्साहात मार्गस्थ होणार आहे. यंदा आळंदी येथून 21 जून रोजी माऊलींच्या पालखीचे प्रस्थान होणार आहे. सोहळा प्रमुख अ‍ॅड. विकास ढगे पाटील यांनी ही माहिती दिली आहे. श्री क्षेत्र पंढरपूर येथील संत ज्ञानेश्‍वर महाराज मठात आषाढी वारी पायी दिंडी पालखी सोहळा नियोजनाची बैठक पार पडली. त्यात वरील नियोजन करण्यात आले आहे. यंदा तिथी वृद्धी झाल्याने लोणंद, फलटण येथे दोन दिवस मुक्‍काम वाढला आहे. दिंडीकर्‍यांच्या मागणीवरून संस्थानच्या सही-शिक्क्याने यंदा वाहन पास देण्यात येणार आहे.
येथे होणार उभे रिंगण
चांदोबाचा लिंब
बाजीराव विहीर
इसबावी
अश्‍वांचे गोल रिंगण पुरंदावडे (सदाशिवनगर)
पानीव पाटी
ठाकुरबुवा
बाजीराव विहीर
1 जूनला प्रस्थान; लोणंद, फलटणला दोन दिवस मुक्‍कामअसा असेल पालखी सोहळा
आळंदी येथून मंगळवार, 21 जून 2022 रोजी सायंकाळी 4 वाजता संत ज्ञानेश्‍वर महाराज पालखी सोहळा प्रस्थान ठेवेल.
बुधवार आणि गुरुवारी (दि. 23 जून) पुणे मुक्‍काम
शुक्रवार, शनिवार (दि. 25) सासवड
रविवारी (दि. 26) जेजुरी
सोमवारी (दि. 27) वाल्हे
मंगळवार व बुधवारी (दि. 29) लोणंद
गुरुवारी (दि. 30) तरडगाव
शुक्रवार व शनिवारी (दि. 2 जुलै) फलटण
रविवारी (दि. 3) बरड
सोमवारी (दि. 4) नातेपुते
मंगळवारी (दि. 5) माळशिरस
बुधवारी (दि. 6) वेळापूर
गुरुवारी (दि. 7) भंडीशेगाव
शुक्रवारी (दि. 8) वाखरी
शनिवारी (दि. 9) श्री क्षेत्र पंढरपूर मुक्‍कामी
रविवारी (दि. 10 जुलै) आषाढी एकादशीचा महासोहळा पार पडणार.
