दहावीची परीक्षा दिलेल्या विद्यार्थ्यांसाठी मोठी बातमी आहे.. राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या दहावीच्या परीक्षेचा निकाल उद्या (ता. 17) जाहीर होणार आहे. शालेय शिक्षणमंत्री वर्षा गायकवाड यांनी ट्विट करुन याबाबतची माहिती दिली. त्यानुसार, उद्या दुपारी 1 वाजता हा निकाल ऑनलाईन जाहीर होणार आहे.
गेल्या आठवड्यात बारावीचा निकाल जाहीर झाला होता. त्यानंतर विद्यार्थी-पालकांचे लक्ष दहावीचा निकालाकडे लागले होते. शिक्षणमंत्री वर्षा गायकवाड यांनी 15 जूनपर्यंत दहावीचा निकाल जाहीर केला जाणार असल्याचे जाहीर केले होते. मात्र, 15 जून उलटून गेल्यावरही निकाल जाहीर न झाल्याने विद्यार्थी चिंतेत पडले होते.
दहावीच्या परीक्षेसाठी एकूण 16 लाख 39 हजार 172 विद्यार्थ्यांनी नोंदणी केली होती. पैकी 8 लाख 89 हजार 584 विद्यार्थी, तर 7 लाख 49 हजार 487 विद्यार्थिनींनी ही परीक्षा दिली. या विद्यार्थ्यांचे लक्ष दहावीचा निकाल कधी लागतोय, याकडे लागले होते.
राज्याच्या शालेय शिक्षणमंत्री वर्षा गायकवाड यांनी अखेर आज दहावीच्या निकालाची तारीख व वेळ जाहीर केली. त्यानुसार उद्या दुपारी 1 वाजता ऑनलाइन पद्धतीने दहावीचा निकाल जाहीर केला जाणार असल्याची माहिती शिक्षणमंत्री वर्षा गायकवाड यांनी दिली आहे..
असा पाहा निकाल
वेबसाइटच्या होमपेजवर ‘एसएससी निकाल-2022’ची लिंक दिसेल, त्यावर क्लिक करा.
दहावीचा निकाल पाहण्यासाठी सर्वप्रथम अधिकृत वेबसाइट mahresult.nic.in
किंवा mahahsscboard.in
वर जा.
त्यानंतर ‘Now’वर क्लिक केल्यानंतर जन्मतारखेसोबत तुमचा रोल नंबर किंवा नाव भरा.
पुढील पेजवर तुम्ही तुमचा महाराष्ट्र एसएससी निकाल 2022 पाहू शकाल.
प्रत्येक विषयातील तुमचे गुण तपासा.
निकाल डाउनलोड करा आणि भविष्यातील संदर्भासाठी प्रिंट काढून घ्या.
दरम्यान, दहावीचा ऑनलाईन निकाल जाहीर झाल्यानंतर गुण पडताळणी, उत्तरपत्रिकांच्या छायांकित प्रती, पुनर्मूल्यांकन व स्थलांतर प्रमाणपत्रासाठी ऑनलाईन अर्ज स्वीकारले जाणार आहेत. त्यासाठी सविस्तर माहिती, अटी-शर्तीबाबतची माहिती https://t.co/g7ZbJdsffV या संकेतस्थळावर उपलब्ध आहे.
