यंदा जगावर येणार मोठं संकट? नास्त्रेदमसच्या भविष्यवाणीने वाढवली भीती

महान भविष्यवेत्ता म्हणून फ्रान्सचा (French Astrologer) नास्त्रेदमसची (Nostradamus) ओळख आहे. त्यांनी भविष्यातील अनेक घटनांबाबत आधीच भाकीत केलं आहे. आजही त्यांचे भाकीत (Nostradamus Predictions) लोकांना चकित करणारे ठरत असून काही भाकीतं खरी ठरली आहेत. त्या भाकितांच्या जोरावर नास्त्रेदमस यांचं जगात वेगळं स्थान आहे. 14 डिसेंबर 1503 रोजी जर्मनीमध्ये जन्म आणि 2 जुलै 1566 रोजी मृत्यू झालेले नास्त्रेदमसने हिटलरची राजवट (Adolf Hitler), दुसरे महायुद्ध (World War 2), 9/11 चा हल्ला आणि फ्रेंच राज्यक्रांती (French Revolution) यासह काही भाकीतं केली होती. त्यापैकी जवळपास 85 टक्के भाकीतं खरी ठरली आहेत. नास्त्रेदमस यांनी 500 वर्षांपूर्वी 2022 सालात काय घटना घडतील? याबाबत सांगितलं आहे. त्यामुळे त्यांच्या भविष्य कथनाबाबत लोकांमध्ये उत्सुकता असते. त्यानुसार जाणून घेऊया नास्त्रेदमस यांनी 2022 या वर्षाबाबत काय भविष्यवाणी केली आहे.

अणुबॉम्बचा स्फोट

नास्त्रेदमस यांनी आपल्या भविष्यवाणीत 2022 च्या संदर्भात सांगितले आहे की, या वर्षात अणुबॉम्बचा स्फोट होऊ शकतो. ज्यामुळे हवामान बदल होईल. एवढेच नाही तर अणुबॉम्बच्या स्फोटामुळे पृथ्वीची स्थितीही बदलू शकते असे भाकीत त्यांनी केले आहे.

लघु ग्रहामुळे नुकसान

2022 मध्ये लघु ग्रहामुळे पृथ्वीचे मोठे नुकसान होणार असा अंदाज देखील नास्त्रेदमस यांनी व्यक्त केला आहे. एक मोठा खडक समुद्रात पडेल, ज्यामुळे भयंकर लाटा उसळतील आणि पृथ्वीला चारही बाजूंनी पाणी होईल. समुद्राच्या पाण्यामुळे पृथ्वीचे मोठे नुकसान होईल.

महागाईचा अंदाज

नास्त्रेदमस यांनी 500 वर्षांपूर्वीच्या आपल्या भविष्यवाणीत 2022 या वर्षात महागाईचा अंदाजही वर्तवला होता. यंदा महागाई नियंत्रणाबाहेर जाईल. याशिवाय अमेरिकन डॉलरच्या दरात मोठी घसरण होण्याचे भाकीत त्यांनी व्यक्त केले आहे. तसेच लोक सोने, चांदी आणि बिटकॉइनमध्ये जास्त पैसे गुंतवतील.

संपूर्ण जगात अंधार होईल

नास्त्रेदमस यांच्या भविष्यवाणीनुसार 2022 मध्ये प्रचंड विनाशानंतर शांतता येईल. परंतु या शांततेपूर्वी संपूर्ण जग 3 दिवस म्हणजेच 72 तास अंधारात असेल. यासह आर्टिफिशियल इंटेलिजेंसचे मानवावर नियंत्रण असेल. तसेच रोबोट मानव जातीचा नाश करतील.

फ्रान्समध्ये विध्वंस होईल

भविष्यवेत्ते नास्त्रोदमस यांच्या भाकीतानुसार, फ्रान्समध्ये या वर्षी एक मोठे वादळ येणार येईल. ज्यामुळे जगातील अनेक भागांमध्ये भीषण आगीसोबतच दुष्काळ आणि पूर परिस्थिती निर्माण होऊ शकते.