किंग कोहली.. अर्थात भारताचा स्टार फलंदाज विराट कोहली याला मानाच्या ‘आयसीसी प्लेयर ऑफ द मंथ’ पुरस्काराने सन्मानित करण्यात आलं. टी-20 वर्ल्ड कपमधील धडाकेबाज कामगिरीमुळे विराटला ‘आयसीसी’ने हा पुरस्कार दिला.
आंतरराष्ट्रीय क्रिकेट सामन्यांत दमदार कामगिरी करणाऱ्या खेळाडूंना ‘आयसीसी’कडून दर महिन्याला ‘प्लेअर ऑफ द मंथ’चा पुरस्कार देण्यात येतो.
या खेळाडूंना नामांकन
ऑस्ट्रेलियातील टी-20 वर्ल्ड कपमध्ये विराटसोबत झिम्बाब्वेचा सिकंदर रझा व दक्षिण आफ्रिकेचा डेव्हिड मिलर यांची नावे नाॅमिनेट झाली होती. मात्र, प्रेक्षकांनीही विराटला पसंती दिल्याने त्याला हा पुरस्कार मिळाला.
महिला क्रिकेटमध्ये भारताची जेमिमा रॉड्रीग्ज, दीप्ती शर्मा व पाकिस्तानच्या निदा दार यांना नामांकन मिळाले होते. त्यात पाकिस्तानी खेळाडू निदा दार हिने ‘आयसीसी प्लेयर ऑफ द मंथ’चा पुरस्कार मिळवला.
