कोल्हापूर ; युवकास रॉडने मारहाण

ताजी बातमी ऑनलाईन टीम

सांडपाण्याच्या वादातून पोवार कॉलनी, रामानंदनगर येथे अभिजीत रामचंद्र राबाडे (वय ३६) यास
चौघांनी शिवीगाळ करून लाथाबुक्या व लोखंडी रॉडने बेदम मारहाण केली. १४ मार्च रोजी दुपारी बारा वाजता हा प्रकार घडला. राबाडे यांनी करवीर पोलीस ठाण्यात दिलेल्या फिर्यादीनुसार रविंद्र जमदाडे, जितेंद्र शिंदे, ओंकार जमदाडे, प्रसाद श्रिदवाड (रा. सर्व पोवार गल्ली) यांच्यावर मारहाणीचा गुन्हा दाखल झाला आहे. हेड कॉन्स्टेबल बांगर तपास करीत आहेत. तसेच याच प्रकरणात अमर शिंदे याने दिलेल्या फिर्यादीनुसार अभिजीत रामचंद्र राबाडे याच्यावर शिवीगाळ करून वीट फेकून मारल्याचा गुन्हा दाखल झाला
आहे.