सांगली : चांदोलीमध्ये सौम्य भूकंप

बुधवारी सकाळी चांदोली धरण परिसरात भूकंपाचे सौम्य धक्के जाणवले. या भूकंपामुळे कोणतीही हानी झालेली नाही. आज सकाळी ६.३५ वाजता चांदोली धरण व अभयारण्य परिसरात भूकंप झाला. वारणावतीच्या भूकंपमापन केंद्रापासून १५.२ किलोमीटर अंतरावर भूकंपाचे केंद्र होते. ७.५ सेकंद कालावधीच्या आणि ३.४ रिष्टर स्केलच्या भूकंपामुळे कोणतीही हानी झाली नसल्याचे धरण व्यवस्थापनाकडून सांगण्यात आले.