दिवाळीच्या मुहूर्तावर शिंदेशाहीचं उद्योग जगतात पदार्पण; पंढरपुरात सुरू केलं पहिलं.

लोकसंगीताचा वारसा लाभलेल्या शिंदेशाहीचा महाराष्ट्रातच नाही तर देशभरात चाहता वर्ग आहे. स्वरसम्राट प्रल्हाद शिंदे यांचा वारसा आज शिंदे घराण्याची चौथी पिढी जिवंत ठेवून आहे. मराठी मनोरंजनसृष्टीत उल्लेखनीय आणि वाखण्याजोग असं योगदान शिंदेशाहीचं आहे.अशातच दिवाळीच्या मुहूर्तावर शिंदेशाहीनं उद्योग जगतात पदार्पण केलं आहे. यासंदर्भात गायक, अभिनेता उत्कर्ष शिंदेने सोशल मीडियाद्वारे माहिती दिली आहे.उत्कर्ष शिंदे सोशल मीडियावर फार सक्रिय असतो. नेहमी कोणत्या ना कोणत्या कलाकाराविषयी किंवा विविध विषयावर पोस्ट करत असतो. आज उत्कर्षने काही फोटो शेअर करून चाहत्यांना आनंदाची बातमी दिली आहे. शिंदे कुटुंबीयांनी आता उद्योग क्षेत्रात पदार्पण केलं आहे. स्वतः पहिलं पेट्रोल पंप शिंदे कुटुंबीयांनी पंढरपूर येथे सुरू केलं आहे.

या क्षणाचे खास फोटो शेअर करत उत्कर्षनं लिहीलं आहे, “छत्रपती शिवबा, डॉ. बाबासाहेब आंबेडकर, महात्मा ज्योतिबा, अण्णा भाऊ ते अन्य महात्म्यांच्या विचारांना आदर्श मानले, म्हणूनच आमचा उत्कर्ष होत आहे. बाबासाहेब तुम्ही म्हणालात – शिका…आम्ही गायक, डॉक्टर इंजिनिअर झालो. तुम्ही म्हणालात संघटित व्हा, संघर्ष करा तर आम्ही एक कुटुंब राहून प्रतिकूल परिस्थितीला तोंड देत पुढे सरसावलो. रस्त्यावर भजन गाणारी एक पिढी मंदिरात देवाला जागवणारी दुसरी पिढी, लोकसंगीतातून महाराष्ट्राला सण साजरे करताना नाचवणारी तिसरी पिढी ते आज चित्रपटातून सर्वांच्या गळ्याचे ताईत होणारी चौथी पिढी. न थकता न थांबता फक्त कामाला प्रेम करणारे महामानवांच्या विचारांचे पाईक होऊन “तूच हो तुझ्या जीवनाचा शिल्पकार” या ब्रीदवाक्याला सदैव मनात कोरून काम करणारे आमचे शिंदे कुटुंब. भजन, कवाली, गायन ,चित्रपट गीते, आता चित्रपटात अभिनेता ते डॉक्टर डिग्री दवाखाने ते आताचित्रपटात अभिनेता ते डॉक्टर डिग्री दवाखाने ते आता उद्योग जगात पदार्पण करत शिंदे परिवाराच पहिलं पेट्रोल पंप. वेळापूर (पंढरपुर) येथे सुरू झालं. आता विषय पंपावर….’पुढे उत्कर्षनं लिहीलं, ‘छत्रपती शिवबा, महात्मा ज्योतिबा, अण्णा भाऊ ते अन्य महात्म्यांच्या विचारांना आदर्श मानले म्हणूनच आमचा उत्कर्ष होत आहे. रसिक मायबापाने भरभरून प्रेम दिले त्या प्रेमाची परतफेड आम्हाला कधीच करता येणार नाही. आम्ही हर्षद, आदर्श, उत्कर्ष असेच मेहनत करत राहू पण त्याला साथ हवी तुमच्या आशीर्वादाची. क्यूकी ज़िंदगी कि असली उड़ान अभी बाकी है, जिंदगी के कई इम्तेहान अभी बाकी है, अभी तो नापी है मुट्ठी भर जमीन हमने, अभी तो सारा आसमान बाकी है.’