अभिनेत्री अनुष्का शर्मा हिने नुकताच लेक अकाय याची एक झलक दाखवली. फोटोमध्ये विराट कोहली आणि अनुष्का शर्मा यांनी फक्त लेकाचा हात दाखवला, तरी देखील अकाय कोहली याच्या एका फोटोला चाहत्यांनी डोक्यावर घेतलं. अकाय याचा फोटो सोशल मीडियावर तुफान व्हायरल झाला. विराट – अनुष्का यांच्या खासगी आयुष्याबद्दल सांगायचं झालं तर, 2017 मध्ये दोघांनी खासगी पद्धतीत लग्न केलं. दोघांच्या लग्नात फार कमी लोकं उपस्थित होती. विराट – अनुष्का यांच्या प्रत्येक चाहत्याला माहिती आहे की, दोघे प्रचंड प्रायव्हेट पर्सन आहे. दोघं कधीच त्यांच्या खासगी आयुष्याबद्दल सर्वांसमोर बोलत नाहीत. अशात लग्न सिक्रेट ठेवण्यासाठी विराट – अनुष्का यांनी स्वतःची नावं देखील बदलली होती.
एका मुलाखतीत अनुष्का शर्मा म्हणाली होती, ‘मी आणि विराट प्रचंड प्रायव्हेट पर्सन आहोत… आम्हाला आमचं लग्न देखील खासगी ठेवायचं होतं. इटली याठिकाणी आमचं लग्न झालं. आमच्या लग्नात फक्त 42 लोकं होती. कुटुंबिय आणि खास मित्र फक्त आमच्या लग्नात उपस्थित होते. आम्हाला आमच्या लग्नाला सेलिब्रिटी वेडिंग करायचं नव्हतं. कारण लग्न विराट आणि माझ्यातला विषय होता.’
‘लग्न सिक्रेट ठेवण्यासाठी आम्ही स्वतःची नावं देखील बदलली होती. केटरर सोबत बोलत असताना विराट राहुल म्हणून बोलायचा…’ असं देखील अभिनेत्री म्हणाली होती. लग्नानंतर अनुष्का तिच्या संसारात व्यस्त झाली आहे. अभिनेत्री कायम मुलांसोबत आयुष्य आनंदाने व्यतीत करताना दिसते.
मुलाखतीत अभिनेत्री म्हणाली होती, ‘आता मी ज्या ठिकाणी आहे, तेथे मला प्रचंड शांती आणि सुरक्षित वाटतं. याठिकाणी मी स्वतःला 100 टक्के अनुभवू शकते. जेव्हा मला वाटतं ही गोष्ट चांगली आहे, ती मी करते. पण मला काही विचित्र वाटलं तर, त्या गोष्टीकडे मी बघत देखील नाही…’ असं देखील अनुष्का म्हणाली होती.
अनुष्का हिने अनेक सिनेमांमध्ये महत्त्वाची भूमिका बजावत चाहत्यांचं मनोरंजन केलं. करियरमध्ये उच्च शिखरावर असताना अनुष्काने विराट कोहली याच्यासोबत लग्न केलं. लग्नानंतर अभिनेत्रीने 2021 मध्ये लेक वामिका हिला जन्म दिला. त्यानंतर 2023 मध्ये विराट – अनुष्का यांनी अकाय याचं जगात स्वागत केलं.
सांगायचं झालं तर, विराट कोहली याच्या आयुष्यात अनेक उतार – चढाव आले, पण अनुष्काने कधीच पतीची साछ सोडली नाही. अनुष्का कायम विराटसोबत खंबीरपणे उभी राहली. विराट – अनुष्का कायम चाहत्यांना कपल गोल्स देत असतात…
