दोन वाहनांमध्ये झालेल्या भीषण धडकेत 13 जणांचा म़त्यू झाल्याची घटना घडलीय. यात एका सहा महिन्यांच्या बाळाचाही समावेश आहे. अनेकजण जखमी झाले असून त्यांना उपचारासाठी रुग्णालयात दाखल करण्यात आल्याचे व़त्त आहे. छत्तीसगडच्या रायपूरमध्ये ट्रकला ट्रेलरने धडक दिल्याने हा अपघात झाला आहे. या अपघातामुळे परिसरात प्रचंड गोंधळाचे वातावरण असून मृतांचा आकडा वाढण्याची भीती व्यक्त केली जात आहे. रविवारी रात्री उशीरा हा अपघात झाला.
नक्की घडलं काय?
रायपूर जिल्ह्यातील रायपूर बालोदाबाजार रस्त्यावर सारागावजवळ रविवारी रात्री उशीरा झालेल्या या अपघातात चार मुले व 9 महिलांचा समावेश आहे. अपघाताची माहिती मिळताच पोलीस पथक घटनास्थळी पाठवण्यात आले व जखमींना रायपूरच्या डॉ भीमराव आंबेडकर रुग्णालयात तातडीने नेण्यात आले. या अपघातात साधारण 13 जण जखमी झाले आहेत. पोलिसांनी अपघातानंतर पंचनामा करत म़तदेह ताब्यात घेतले असून याप्रकरणी गुन्हा दाखल केला आहे. या प्रकरणाची चौकशी सुरु आहे.पोलीस सुत्रांनी दिलेल्या माहितीनुसार, चतौड गावातील एका कौटुंबिक कार्यक्रमात सहभागी होण्यासाठी बन्सरी गावात गेलेलं कुटुंब परत येत असताना खरोरा हद्दीत सारागावजवळ ट्रकने प्रवास करत असताना एका ट्रेलरने मागून धडक दिली.
या अपघातानंतर महामार्गावर बराच वेळ वाहतूक कोंडी झाली होती. चौथिया छठी कार्यक्रमात सहभागी होण्यासाठी गावातील लोक माझदा वाहनाने खरोरा येथील बना बनारसी येथे गेले होते. कार्यक्रम संपल्यानंतर सर्वजण परतत होते. दरम्यान, रायपूर-बालोदाबाजार रोडवर हा अपघात झाला. अपघातानंतर प्रशासनाचे पथक घटनास्थळी पोहोचले आणि जखमींना उपचारासाठी रायपूर येथे पाठवण्यात आले. प्रशासनाच्या पथकाने क्रेनच्या मदतीने गाडीतील मृतदेह बाहेर काढले असून जखमींवर उपचार सुरु आहेत.अधिकाऱ्यांनी अपघाताची औपचारिक चौकशी सुरू केली आहे. प्राथमिक निष्कर्षांवरून असे दिसून येते की जास्त वेग आणि चालकाच्या निष्काळजीपणामुळे हा अपघात झाला असावा.या दुःखद घटनेने पुन्हा एकदा रस्ते सुरक्षा कायद्यांची कडक अंमलबजावणी आणि रात्रीच्या वेळी महामार्गावरील वाहतुकीचे चांगले नियमन करण्याची तातडीची गरज अधोरेखित केली आहे.
