राजधानी दिल्लीत (Delhi) आई-मुलाच्या नात्याला काळिमा फासणारी घटना समोर आली असून मुलाने 65 वर्षीय आईवरच (Mother) दोनवेळा अत्याचार केल्याचा गुन्हा पोलिसात दाखल झाला आहे. आपल्या आईला चरित्रहीन असल्याचे सांगत वडिलांपासून वेगळं होण्यास भाग पाडलं. नराधम मुलाने आधी वडिलांपासून घटस्फोट घेण्यासाठी आईवर दबाव टाकला, त्यानंतर आईवरच दोनवेळा अत्याचार केल्याचा संतापजनक प्रकार समोर आला आहे. याप्रकरणी महिलेच्या तक्रारीवरुन गुन्हा दाखल होताच 39 वर्षीय आरोपी मुलास पोलिसांनी (police) अटक केली आहे.
पोलिसांत दाखल फिर्यादीनुसार, पीडित महिला आपल्या सरकारी नोकरीतील सेवानिवृत्त पतीसोबत हौज काझी परिसरात राहत होती. येथील घरी तिच्यासमवेत तिचा आरोपी मुलगा आणि 25 वर्षीय मुलगी देखील एकाच घरात राहत होते. तसेच, येथून जवळच कुटुंबातील आणखी एक मुलगी राहत असून ती विवाहित आहे. 17 जुलै रोजी पीडित महिला आपल्या पती आणि मुलीसोबत सौदी अरब दौऱ्यावर गेली होती. यादरम्यान, आरोपी मुलाने त्याच्या वडिलांच्या फोनवर कॉल करुन तातडीने दिल्लीला बोलावून घेतले. तसेच, तुम्ही तुमच्या पत्नीला घटस्फोट द्या, कारण माझ्या आईचे दुसऱ्या पुरुषासोबत अनैतिक संबंध असल्याचे मी लहानपणीच पाहिले होते, असेही मुलाने वडिलांना फोनवर सांगितले होते.
दरम्यान, 1 ऑगस्ट रोजी पीडित महिला व कुटुंब सौदी दौऱ्यावर दिल्लीच्या घरी आले असता मुलाने आईसोबत जबरदस्ती केली. मुलाने माझा बुरखा उतरवला, मला एका खोलीत बंद करुन मारहाणही केली, असे पीडित आईने दिलेल्या तक्रारीत म्हटलं आहे. लहानपणी आईनेच मला बिघडवल्याचा आरोपही मुलाने केला आहे. दरम्यान, मुलाच्या या वर्तणुकीमुळे घाबरलेल्या आईने थेट शेजारी राहणाऱ्या आपल्या मोठ्या मुलीचे घर गाठले होते. 11 ऑगस्ट रोजी पीडित महिला पुन्हा आपल्या पतीच्या घरी आली, पण मुलाकडून अत्याचार करण्यात येत होता, असेही तक्रारीत म्हटलं आहे. मुलाने रात्री 9.30 वाजता आईसोबत खासगीत बोलायचं म्हणत आईला एका खोलीत नेलं, तिथं जबरदस्ती करत मी तुला जुन्या अनैतिक संबंधाची शिक्षा देत असल्याचेही म्हटले. त्यानंतर, 14 ऑगस्ट रोजी पुन्हा दुसऱ्यांदा रात्री 3.30 वाजता आईसोबत दुष्कर्म केल्याचंही पोलिसांत दिलेल्या फिर्यादीत म्हटलं आहे.
मुलाकडूनच आईवर होत असलेल्या या अत्याचाराची घटना आईने आपल्या छोट्या मुलीला सांगितली. त्यानंतर, छोट्या मुलीने पोलिस ठाण्यात जाऊन तक्रार देण्यासाठी आईला हिंमत दिली. त्यानुसार, पोलिसांनी भारतीय न्याय संहिता बलात्काराचा गुन्हा दाखल केला असून अधिक तपास सुरू आहे.
