जर तुम्ही रेल्वेमध्ये (Railway) काम करण्याचे स्वप्न पाहत असाल तर ही बातमी तुमच्यासाठी महत्वाची आहे. पश्चिम रेल्वेच्या रेल्वे भरती कक्षाने एक मोठी भरती काढली आहे. ही भरती अप्रेंटिसशिप अंतर्गत केली जाईल. यासाठी अधिकृत अधिसूचना जारी करण्यात आली आहे आणि अर्ज प्रक्रिया देखील लवकरच सुरु होणार आहे. पश्चिम रेल्वेने 2865 अप्रेंटिस पदांसाठी भरती जाहीर केली आहे.
पश्चिम रेल्वेच्या या अप्रेंटिस भरतीसाठी अर्ज प्रक्रिया 30 ऑगस्ट 2025 पासून सुरू होईल. इच्छुक उमेदवार अधिकृत वेबसाइटद्वारे अर्ज करू शकतात. अर्ज करण्याची शेवटची तारीख 29 सप्टेंबर 2025 ठेवण्यात आली आहे.
किती पदांची भरती होणार?
सामान्य श्रेणी – 1150 पदे
अनुसूचित जाती (SC) – 433 पदे
अनुसूचित जमाती (ST) – 215पदे
इतर मागासवर्गीय (OBC) – 778पदे
आर्थिकदृष्ट्या दुर्बल विभाग (EWS) – 289 पदे
वयोमर्यादा किती ?
अर्ज करणाऱ्या उमेदवारांचे किमान वय 15 वर्षे आणि कमाल वय 24 वर्षे असावे. म्हणजेच 24 वर्षांवरील उमेदवार अर्ज करू शकणार नाहीत. सरकारच्या नियमांनुसार वयातही सूट दिली जाईल. अनुसूचित जाती/जमाती प्रवर्गासाठी 5 वर्षे, ओबीसी उमेदवारांसाठी 3 वर्षे आणि दिव्यांग उमेदवारांसाठी 10 वर्षे सूट दिली जाईल.
शैक्षणिक पात्रता काय असावी?
उमेदवाराने मान्यताप्राप्त मंडळातून किमान 50 टक्के गुणांसह 10 वी आणि 12 वी परीक्षा उत्तीर्ण केलेली असावी. यासोबतच, उमेदवाराकडे एनसीव्हीटी/एससीव्हीटी मान्यताप्राप्त संस्थेकडून राष्ट्रीय व्यापार प्रमाणपत्र (आयटीआय प्रमाणपत्र) असणे आवश्यक आहे.
निवड प्रक्रिया कशी असणार?
या भरतीमध्ये कोणतीही लेखी परीक्षा होणार नाही. उमेदवारांची निवड केवळ 10वी आणि 12 वी मध्ये मिळालेल्या गुणांच्या आधारे केली जाईल. म्हणजेच गुणवत्ता यादी तयार केली जाईल आणि त्या आधारे निवड केली जाईल. दरम्यान, जे उमेदवार पात्र आहेत, अशा उमेदवारांनी अर्ज करावेत. येत्या 30 ऑगस्ट 2025 पासून अर्ज करण्यास सुरुवात होणार आहे.
अर्ज करण्यासाठी फी किती ?
अर्ज करण्यासाठी, उमेदवारांना अर्ज शुल्क देखील भरावे लागेल. सामान्य, ओबीसी आणि ईडब्ल्यूएस उमेदवारांना अर्ज शुल्क म्हणून 100 रुपये आणि प्रक्रिया शुल्क म्हणून 41 रुपये भरावे लागतील. एससी/एसटी उमेदवारांना अर्ज शुल्कातून सूट आहे, परंतु त्यांना प्रक्रिया शुल्क म्हणून 41 रुपये देखील भरावे लागतील.
कोणती कागदपत्रे आवश्यक?
पासपोर्ट आकाराचा फोटो
10 वी प्रमाणपत्र
जात प्रमाणपत्र (लागू असल्यास)
आयटीआय प्रमाणपत्र
