नमस्कार मित्र-मैत्रिणींनो,
मित्रांनो, पितृदोष आहे की नाही हा कसा ओळखावा? पितृदोष ओळखण्यासाठी आपल्याकडे आपली कुंडली असणे आवश्यक आहे. परंतु आपल्या या धावत्या जीवनात आपली अचूक जन्मस्थिती, अचूक जन्मवेळ,लक्षात न राहिल्याने आपली कुंडली तयार होऊ शकत नाही. अनेक जणांना हे सर्व व्यवस्थित माहीत असते परंतु कुंडली अभावी पितृदोष आहे की नाही त्याचे निदान होणे कठीण होते.
मात्र यावर ज्योतिषशास्त्रात तोडगा सांगितला गेला आहे. आपल्या जीवनात घडणार्या घटनांचे सुक्ष्म अवलोकन करण्यासाठी एक दृष्टी आपल्याकडे असेल तर, आपल्याला माहीत होतो की आपल्याला पितृदोष आहे किंवा नाही. हे आपण स्वतः ओळखू शकतो.
पितृदोष कसा ओळखायचा?यासाठी काही गोष्टी आज या लेखातून तुम्हाला सांगणार आहे. त्याद्वारे जर तुमच्या आयुष्यात अशा काही गोष्टी घडत असतील तर तुम्ही ओळखू शकाल की आपल्याला पितृदोष आहे किंवा नाही.
मित्रांनो, कुटुंबात वडील व मुलगा यांच्यात सतत मतभेद असतील, त्या दोघांचे कधी पटत नसेल,वारंवार तंटे होत असतील, तर समजावे की पितृदोष आहे. मुलगा किंवा मुलगी यांचे विवाह जुळण्यात काही बाधा उत्पन्न होत असतील किंवा जुळलेला लग्न मोडले असेल, कुंडली जुळत असेल परंतु काही कारणास्तव विवाह जुळत नसेल तर पितृ दोष असू शकतो.
विवाह होऊन अनेक वर्ष झाले आहेत तरीही घरात पाळणा हललेला नाही आहे, वारंवार गर्भपात होत आहेत. तुम्हा अपंग मुले जन्माला येत आहेत याचा अर्थ ही पितृदोष असू शकतो. आपल्या कुटुंबातील एकामागोमाग एक सदस्य आजारी पडणे हे देखील पितृदोषाचे लक्षण असू शकते.
अति प्रमाणात कर्ज होणे, व्यापार व व्यवसायात नुकसान होणे, परिश्रम घेऊन ही नोकरीतील प्रगती होत नाही याचे कारण देखील पितृदोष असू शकतो.कुटुंबातील सदस्यांच्या आपापसात भांडण होणे, घरात अन्न धान्याची बरकत नसणे ,घरात वायफळ खर्च होणे, खर्चाचे प्रमाण वाढणे, पैशाला बरकत न येणे याचा अर्थ पितृदोष असू शकतो.
तर मित्रांनो, ही काही कारणे आहेत की जे पितृदोष असण्याचे संकेत देत असतात या कारणांवरून तुम्ही माहिती करून घेऊ शकाल की तुम्हाला पितृदोष आहे किंवा नाही.
वरील माहिती विविध प्रयोगांच्या आधारे एकत्रित करण्यात आली आहे. याचा कोणीही अंधश्रद्धेची संबंध जोडू नये ही विनंती. अशाच प्रकारच्या नवनवीन लेखांची माहिती घेण्यासाठी आत्ताच आमच्या पेजला लाईक करा. आणि शेअर करायला विसरू नका.
