आयपीएल 2026 स्पर्धेत साखळी फेरीचा जबरदस्त शेवट झाल्यानंतर आता 26 मे पासून प्लेऑफचा थरार रंगणार आहे. प्लेऑफ फेरीत मंगळवारी 26 मे रोजी क्वालिफायर 1 सामना खेळवण्यात येणार आहे. हा सामना जिंकणाऱ्या संघाला थेट अंतिम फेरीत पोहचण्याची संधी असणार आहे. तर पराभूत होणाऱ्या संघाला अंतिम फेरीत पोहचण्याची 1 अतिरिक्त संधी मिळेल. मात्र त्यानंतरही दोन्ही संघांची पहिल्याच झटक्यात सामना जिंकून अंतिम फेरीचं तिकीट मिळवण्याचा प्रयत्न असणार आहे. त्यामुळे क्वालिफायर 1 मॅचमध्ये चाहत्यांना चांगलीच चुरस पाहायला मिळणार आहे.
क्वालिफायर 1 मॅचमध्ये गतविजेता रॉयल चॅलेंजर्स बंगळुरु विरुद्ध गुजरात टायटन्स असा सामना रंगणार आहे. शुबमन गिल गुजरातचं नेतृत्व करणार आहे. तर रजत पाटीदार आरसीबीच्या कर्णधारपदाची जबाबदारी सांभाळणार आहे. उभयसंघातील सामन्याबाबत महत्त्वाची माहिती जाणून घेऊयात.
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामना कधी?
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामना मंगळवारी 26 मे रोजी खेळवण्यात येणार आहे
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामना कुठे?
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामना धर्मशालेतला एचपीसीए क्रिकेट स्टेडियममध्ये आयोजित करण्यात आला आहे.
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामन्याला किती वाजता सुरुवात होणार?
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस होणार आहे.
रॉयल चॅलेंजर्स बंगळुरु विरुद्ध गुजरात टायटन्स क्वालिफायर 1 सामना टीव्ही-मोबाईलवर कुठे पाहता येईल?
आरसीबी-गुजरात तुल्यबळ
दरम्यान रॉयल चॅलेंजर्स बंगळुरु विरुद्ध गुजरात टायटन्स दोन्ही संघांची क्वालिफायर-1 निमित्ताने या स्पर्धेत आमनेसामने येण्याची ही नववी वेळ असणार आहे. याआधी उभयसंघात एकूण 8 सामने खेळव्यात आले आहेत. या 8 पैकी दोन्ही संघांनी एकमेकांविरुद्ध प्रत्येकी 4-4 सामने जिंकले आहेत. त्यामुळे मंगळवारी कोणता संघ विजयी पंच लगावून फायनलचं तिकीट मिळवण्यात यशस्वी ठरतो हे पाहणं महत्त्वाचं ठरणार आहे.
