पैशासाठी चक्क आईनेच विकला पोटचा गोळा!; मुलगा हरवल्याचा केला बनाव

पैशासाठी एका आईनेच पोटचा गोळा असलेल्या आपल्या मुलाला एक लाख रुपयांत विकून तो बेपत्ता झाल्याची तक्रार केल्याचा धक्कादायक प्रकार पोलिस तपासात समोर आला आहे. तिने ज्या दलालाला मुलाला विकले त्या दलालाने पुढे एक लाख 60 हजार रुपयांना हे मूल विकल्याचेही उघड झाले आहे. या प्रकरणी उपायुक्त पौर्णिमा गायकवाड यांनी पोलिसांची नऊ पथके तयार करून मुलाच्या आईसह आठ जणांना बेड्या ठोकल्या आहेत.