महाराष्ट्र राज्यातील दोन अत्यंत महत्त्वाच्या विधानसभा क्षेत्रांच्या (record) पोटनिवडणुकीचे निकाल आज समोर आले असून बारामतीमध्ये राजकीय इतिहासाची पुनर्रचना झाली आहे. माजी उपमुख्यमंत्री दिवंगत अजित पवार यांच्या निधनामुळे रिक्त झालेल्या जागेवर त्यांच्या पत्नी सुनेत्रा पवार यांनी केवळ विजय मिळवला नाही, तर विजयाचे सर्व जुने विक्रम मोडीत काढले आहेत.पवार कुटुंबाचा अभेद्य गड समजल्या जाणाऱ्या बारामतीत सुनेत्रा पवार यांनी आपल्या पतीचा अनेक वर्षांचा जुना रेकॉर्ड संपुष्टात आणला आहे. २०१९ च्या निवडणुकीत अजित पवार यांनी भारतीय जनता पक्ष चे प्रतिस्पर्धी गोपीचंद पडळकर यांचा पराभव करताना १.६५ लाखांहून अधिक मताधिक्य मिळवले होते, जे त्यावेळी संपूर्ण राज्यासाठी एक उच्चांक होता. मात्र, या पोटनिवडणुकीत बारामतीकरांनी सुनेत्रा पवारांच्या बाजूने मोठ्या प्रमाणावर मतदान केले आहे.
मतमोजणीच्या १९ व्या फेरीचा निकाल हाती आला तेव्हा (record) सुनेत्रा पवार १,६८,५५५ मतांच्या प्रचंड फरकाने आघाडीवर असल्याचे स्पष्ट झाले. पोटनिवडणुकीच्या इतिहासात इतक्या मोठ्या मताधिक्याने निवडून येणाऱ्या त्या पहिल्या उमेदवार ठरल्या असून, राज्याच्या राजकीय पटलावर त्यांनी स्वतःचा स्वतंत्र ठसा उमटवला आहे. या विजयामुळे स्थानिक जनतेने पवार घराण्याच्या वारशावर आणि सुनेत्रा वहिनींच्या कार्यशैलीवर पुन्हा एकदा शिक्कामोर्तब केल्याचे दिसून येत आहे.
अहमदनगर जिल्ह्यातील राहुरी विधानसभा मतदारसंघातही (record) सत्ताधारी महायुती आपली पकड मजबूत करताना दिसत आहे. भाजपचे दिवंगत नेते शिवाजीराव कर्डिले यांच्या निधनामुळे झालेल्या या निवडणुकीत त्यांचे चिरंजीव अक्षय कर्डिले यांनी निवडणुकीच्या रिंगणात उडी घेतली होती. सुरुवातीपासूनच या मतदारसंघात मतदारांचा कल अक्षय कर्डिले यांच्या बाजूने झुकलेला पाहायला मिळाला.
येथे राष्ट्रवादी काँग्रेस – शरद पवार गट तर्फे गोविंद मोकाटे यांनी अक्षय कर्डिले यांच्यासमोर तगडे आव्हान उभे केले होते, परंतु मतमोजणीत कर्डिले यांनी ही लढत एकतर्फी बनवली आहे. सध्याच्या आकडेवारीनुसार ते ८६,२५३ मतांनी पुढे असून त्यांच्या विजयाची केवळ अधिकृत घोषणा होणे बाकी आहे. वडिलांच्या निधनानंतर मिळालेली सहानुभूती आणि विकासकामांची जोड यामुळे राहुरीचा बालेकिल्ला राखण्यात महायुतीला यश आले आहे.
