विद्यार्थ्यांच्या दोन गटात तुफान हाणामारी झाल्याचा प्रकार समोर आला आहे. नाशिक जिल्ह्यातील महाविद्यालयाच्या कॅम्पसमध्येच हा प्रकार घडला. सध्या व्हॅलेंटाईन्स डे च्या निमित्ताने विविध ‘डेज्’ सेलिब्रेट केले जात आहेत. अशात प्रपोज डे साजरा होत असतानाच ही मारामारी झाली. विद्यार्थ्यांच्या दोन गटामध्ये कुठल्याशा कारणावरुन वाद झाला होता. या वादाचं पर्यवसन फ्री स्टाईल फायटिंगमध्ये झाल्याचं पाहायला मिळत आहे. नाशिक जिल्ह्यात निफाड गावातील कॉलेज कॅम्पसमध्ये दोन गटात ही तुफान हाणामारी झाली. यामध्ये काही विद्यार्थ्यांना अक्षरशः तुडव-तुडव-तुडवल्याचं पाहायला मिळत आहे. या घटनेचा व्हिडीओ काही जणांनी इन्स्टाग्राम अकाऊण्टवर शेअर केले आहेत. हाणामारीचा व्हिडीओ सोशल मीडियावर तूफान व्हायरल झाला आहे. मात्र कॉलेजमध्येच युवकांची मारामारी झाल्यामुळे महाविद्यालयातील सुरक्षेवर प्रश्नचिन्ह निर्माण झालं आहे.
सुरुवातीला झालेल्या वादावादीनंतर दोन गटांमध्ये फ्री स्टाईल फायटिंग सुरु झालेली. त्यानंतर काही जणांनी एकमेकांना अक्षरशः तुडव-तुडव-तुडवल्याचं पाहायला मिळालं. कुठल्या मुलीला प्रपोज करण्यावरुन वाद झाला, की अन्य कुठल्या कारणावरुन, हे अद्याप स्पष्ट झालेलं नाही. तसंच कुठल्या विद्यार्थ्याला यात गंभीर दुखापत झाली आहे का, याबाबतही माहिती मिळालेली नाही. परंतु कॉलेजमध्येच विद्यार्थ्यांमध्ये इतकी मारामारी झाल्यामुळे महाविद्यालयातील सुरक्षा व्यवस्थेवर प्रश्न उपस्थित केले जात आहेत.
