सगळीकडे आता गणपतीच्या आगमनाची तयारी जोरदार सुरू आहे. सगळीकडेच वातावरण हे आनंदीमय असतानाच कोल्हापूरमधील संभाजीनगर येथे एक दुःखद घटना घडली. कोल्हापुरातील संभाजीनगर बस स्थानक परिसरात एसटी बसखाली सापडून एक पादचारी ठार झाला आहे. ठार झालेल्या पादचाऱ्याचे नाव अजूनही समोर आलेले नाही.दुपारी बारा वाजताच्या दरम्यान ही घटना घडली असून, जखमीचा उपचारादरम्यान मृत्यू झाला आहे.
घटनास्थळावरून मिळालेली माहिती अशी की, आज बारा वाजण्याच्या सुमारास कोल्हापूर संभाजीनगर बसस्थानक परिसरात एसटी आली असता, त्याखाली एक पादचारी सापडला. पादचऱ्याच्या अंगावरून एसटीची दोन्ही चाके गेली असल्याचे सांगण्यात येत आहे आणि यामध्ये तो पादचारी गंभीर जखमी झाला आणि त्याचा उपचारादरम्यानच मृत्यू झाल्याची माहिती सांगण्यात येत आहे.
