बॉलिवूड अभिनेता सनी देओल आणि अभिनेत्री अमिषा पटेल यांचा ‘गदर २’ (Gadar 2) हा चित्रपट लवकरच प्रेक्षकांच्या भेटीला येणार आहे. या चित्रपटाचा ट्रेलर नुकताच प्रदर्शित झाला असून सर्वांचे लक्ष वेधून घेत आहे.
सोबतच चित्रपटाची रिलीज डेटही जाहीर करण्यात आली आहे. चाहते या चित्रपटासाठी चाहते देखील उत्सुक आहेत.
गदर २ चित्रपटाच्या ट्रेलरच्या सुरुवातीला तारा, सकीना आणि तिचा मुलगा अशरफ अली कडे जात असल्याचे दिसत आहे. मात्र, पुन्हा एकदा ताराच्या तोंडून ‘हिंदुस्तान जिंदाबाद था, जिंदाबाद है और जिंदाबाद रहेगा’ असे डायलॉग ऐकू येत आहे. ते पाहून तुमच्या शरीरावर शहारे येतील. ‘गदर २’ प्रदर्शित होण्यापूर्वी निर्मात्यांनी ‘गदर’ हा चित्रपट चित्रपटगृहामध्ये प्रदर्शित करण्याचा निर्णय घेतला आहे. ९ जून रोजी काही मोजक्याच सिनेमागृहात हा चित्रपट प्रदर्शित होणार आहे. Gadar 2
‘गदर २’चं कथानक १९७०मध्ये झालेल्या भारत-पाकिस्तान युद्धावर आधारित असणार आहे. या चित्रपटात तारा सिंह ( Tara Singh)आणि सकीना ( Sakina) यांचा मुलगा ‘जीते’ भारतीय सैनिकाच्या रुपात दिसणार आहे. या भूमिकेत उत्कर्ष शर्मा झळकणार आहे. ‘गदर’मध्ये तारा सिंह आपल्या पत्नीला परत आणण्यासाठी पाकिस्तानात गेला होता. यावेळी तो आपल्या मुलाला सोडवण्यासाठी पाकिस्तानामध्ये शिरकाव करताना दिसणार आहे.Gadar 2
‘गदर’मध्ये एक प्रेमकथा पाहायला मिळाली होती, तर यावेळी ‘गदर २’मध्ये वडील-मुलाच्या नात्यातील हळवे बंध पाहायला मिळणार आहे. सनी देओलने सोशल मीडियावर ‘गदर २’चे पोस्टर शेअर करून रिलीज डेटची घोषणा केली आहे. सनी ‘गदर’मध्ये हँडपंप उखडताना दिसला होता, यावेळी तो हातात हातोडा घेऊन दिसत आहे. चित्रपटाच्या पोस्टरमध्ये सनी तारा सिंहच्या अवतारात डोळ्यात राग, हातात हातोडा आणि हिरव्या पगडीसह काळ्या कुर्त्यामध्ये दिसत आहे. पोस्टर पाहूनच सनी ‘गदर २’ घेऊन पुन्हा एकदा बॉक्स ऑफिसवर धुमाकूळ करणार असल्याचा अंदाज बांधला जात आहे.Gadar 2
अनिल शर्मा ( Anil Sharma) दिग्दर्शित ‘गदर: एक प्रेम कथा’ हा चित्रपट २००१मध्ये रिलीज झाला होता. या चित्रपटात सनी देओलसोबत अमिषा पटेल आणि अमरीश पुरी यांच्याही प्रमुख भूमिका होत्या. या चित्रपटाला प्रेक्षकांचा चांगला प्रतिसाद मिळाला होता. आता चाहते ‘गदर २’चीही आतुरतेने वाट पाहत आहेत.Gadar 2