IPL 2023 Final पावसामुळे अंतिम सामना रद्द ; आज होणार लढत

आयपीएलच्या सोळाव्या मोसमाचा विजेता कोण ? धोनीची चेन्नई सुपर किंग्स की हार्दिक पांड्याची गुजरात टायटन्स या प्रश्नाचे उत्तर मिळणार होते. पण अहमदाबादमध्ये जोरदार पाऊस पडल्यामुळे रविवारी सामना झाला नाही. जवळपास चार ते पाच तास येथे जोरदार पाऊस पडला. पंचांनी रात्री ११ वाजेपर्यंत सामना सुरु होण्याची वाट पाहिली.. पण पावसाने विश्रांती घेतली नाही. त्यामुळे क्रिकेटप्रेमींचा हिरमोड झाला आहे. आता राखीव दिवशी म्हणजेच सोमवारी (ता. २९) रोजी आयपीएलच्या १६ च्या हंगामाचा विजेता मिळणार आहे. पण सोमवारी पावसाने उसंत घेतली नाही, तर गुजरातला जेतेपद देण्यात येणार आहे. कारण, साखळी फेरीत गुजरातचा संघ पहिल्या क्रमांकावर होता.IPL 2023 Final

यंदाच्या मोसमात हार्दिक आणि धोनीच्या दोन्ही फौजा तिसऱ्यांदा आमनेसामने उभ्या ठाकणार होत्या. चेन्नईचा कर्णधार महेंद्रसिंग धोनीच्या कारकीर्दीतला कदाचित हा अखेरचा आयपीएल सामना ठरण्याची शक्यता आहे. त्यामुळे चेन्नईचे शिलेदार धोनीला विजेतेपदाची भेट देण्याचा प्रयत्न करतील. दरम्यान, गुजरात टायटन्सने लागोपाठ दुसऱ्या वर्षी आयपीएलच्या फायनलमध्ये धडक मारलीय. आयपीएलच्या मागच्या मोसमात गुजरातने राजस्थान रॉयल्सला नमवून विजेतेपद पटकावले होते. IPL 2023 Final

त्या पराक्रमाची पुरावृत्ती करण्याचा गतविजेत्या गुजरातचा प्रयत्न राहील. पण चारवेळा जिंकणा चेन्नईचे यंदा गुजरातसमोर तगडे आव्हान आहे. या पार्श्वभूमीवर आयपीएलच्या फायनलमध्ये चेन्नई आणि गुजरात संघांमध्ये कांटे की टक्कर पाहायला मिळण्याची चिन्हं आहेत. एकीकडे क्रिकेटप्रेमींची उत्सुकता शिगेला लागली आहे. मात्र दुसरीकडे सामन्यावर पावसाचे सावट असल्याचे चित्र पाहायला मिळत आहे.IPL 2023 Final