ताजी बातमी ऑनलाईन टीम
शहरातील आकाशवाणी परिसरात असणाऱ्या गंगाधरनगर येथील बंद घर फोडून चोरट्यांनी घरफोडी केली. घरातील कपाटात ठेवलेले १ लाख ९५ हजार ५०० रुपयांचा सोन्या चांदीचा ऐवज चोरट्याने लंपास केला. याप्रकरणी विद्या ओमप्रकाश कासट ( वय ७१ रा. गंगाधरनगर, आकाशवाणी जवळ, सांगली) यांनी सांगली शहर पोलीस ठाण्यात फिर्याद दिली आहे.
विद्या कासट या त्यांच्या पतीसोबत कोल्हापूर रोडवरील आकाशवाणी केंद्र जवळ असणाऱ्या गंगाधरनगर मध्ये राहतात. त्यांचे पती ओम प्रकाश कासट यांच्यावर उपचार करण्यासाठी घराला कुलूप लावून पती-पत्नी हे पुण्याला गेले होते. यावेळी अज्ञात चोरट्यांनी मंगळवारी पहाटेच्या सुमारास घराच्या दरवाजाला लावलेले कुलूप तोडून घरात प्रवेश करून ऐवज लंपास केला.
