इचलकरंजी – हुपरी येथील कल्लाप्पाण्णा आवाडे जवाहर शेतकरी सहकारी साखर कारखान्याचे बुबनाळ येथील प्रगतशील ऊस उत्पादक सभासद महावीर नेमिनाथ मरजे आणि रूकडी येथील प्रगतशील ऊस उत्पादक सभासद सचिन भूपाल चौगुले यांनी 2023-24 या गाळप हंगामामध्ये सर्वाधिक ऊस उत्पादन घेतल्याबद्दल दि शुगर टेक्नॉलॉजिस्टस् असोसिएशन ऑफ इंडिया नवीदिल्ली या संस्थेकडून सन्मानित करण्यात आले. संस्थेच्या जयपूर येथे झालेल्या 82 व्या राष्ट्रीय पातळीवरील वार्षिक परिषद व आंतरराष्ट्रीय साखर प्रदर्शनामधील खास समारंभात हा सन्मान करण्यात आला.
दि शुगर टेक्नॉलॉजिस्टस् असोसिएशन ऑफ इंडिया नवीदिल्लीचे प्रेसिडेंट संजय अवस्थी यांच्या हस्ते हा सन्मान करण्यात आला. याप्रसंगी निराणी ग्रुपचे संगमेश आर. निराणी, वसंतदादा शुगर इन्स्टिटयूटचे अ‍ॅडव्हायझर शिवाजीराव देशमुख, डायरेक्टण जनरल संभाजीराव कडूपाटील, नॅशनल शुगर इन्स्टिट्यूटच्या डायरेक्टर डॉ. सीमा परोहा, आयआयएसटी लखनौ या संस्थेचे डायरेक्टर आर विश्‍वनाथन आदी मान्यवर उपस्थित होते.
कारखान्याचे संस्थापक चेअरमन कल्लाप्पाण्णा आवाडेदादा यांनी कारखान्याच्या ऊस पुरवठादार शेतकर्‍यांसाठी राबवित असलेल्या ऊस विकास योजनेच्या प्रेरणेतून आणि ज्येष्ठ संचालक आमदार प्रकाशआण्णा आवाडे यांच्या प्रोत्साहनामुळे महावीर मरजे आणि सचिन चौगुले यांना राष्ट्रीय संस्थेकडून सन्मानित केल्याने कारखान्याच्या नांवलौकिकात आणि सभासदांच्या उत्साहात भर पडली आहे. कारखान्याच्या सभासदांना सन्मानित करण्यात आल्याबद्दल केन कमिटी चेअरमन डॉ. राहूल आवाडे आणि कारखान्याच्या संचालक मंडळाने सन्मानित शेतकर्‍यांचे अभिनंदन केले आहे. कारखान्याच्या ऊस पुरवठादार शेतकर्‍यांनी या प्रगतशील शेतकर्‍यांचा आदर्श घेऊन आधुनिक शेतीकडे आपला कल वाढवावा असे आवाहनही त्यांनी केले
.
