इचलकरंजीत यंदाही मोठ्या थाटात अटल महोत्सव साजरा होणार आहे. शहरात गेल्या काही वर्षापासून सुरू झालेल्या अटल महोत्सवाला भरभरून प्रतिसाद लाभत आहे. हा महोत्सव गणेश चतुर्थीच्या दरम्यान आयोजित करण्यात येतो.
आमदार सुरेशराव हळवणकर यांच्या संकल्पनेतून माजी आमदार प्रकाश अण्णा आवाडे भाजपा जिल्हाध्यक्ष राजवर्धन नाईक निंबाळकर सरकार यांच्या मार्गदर्शनानुसार इचलकरंजी विद्यमान युवा आमदार राहुल आवाडे नेतृत्वाखाली भाजपा शहराध्यक्ष शशिकांत मोहिते, युवा अध्यक्ष प्रमोद बचाटे यांच्या संयोगाने आयोजित करण्यात आला आहे यावेळी भाजपा शहराध्यक्ष श्रीरंग खवरे,ग्रामीण अध्यक्ष बाळासाहेब माने युवा अध्यक्ष सचिन पोवार ग्रामीण युवा अध्यक्ष अमर खोत यांचेही सहकार्य लाभणार आहे
यंदाच्या अटल महोत्सवाचे आणखी एक मुख्य वैशिष्ट्य म्हणजे अटल महोत्सवद्वारे विविध स्पर्धा तसेच सार्वजनिक गणेश मंडळाचे स्पर्धात्मक नंबर देखील काढण्यात येणार आहेत.
हा महोत्सव अगदी सर्वसामान्यातील सामान्य माणसाला परवडेल म्हणजेच गोरगरीब कामगार, कष्टकरी, श्रमिक महिला बंधू यांना सहभागी होता येईल असा आयोजित करण्यात येतो. या महोत्सवातील बाल गोपाळांना खेळण्यासाठी, युवावर्गासाठी आवडीचे खेळ, तसेच सर्व प्रकारचे खाद्यपदार्थ अगदी नाममात्र दरात म्हणजेच 20, 30, 40, 50 रुपयांमध्ये उपलब्ध असतात. याचाच फायदा सर्वसामान्यांना होतो.
महिला सुरक्षेसाठी स्वतंत्र गार्ड, सुरक्षित पार्किंग व्यवस्था, लहानां व मोठ्यांसाठी विविध खाऊ गल्ली स्वच्छ पाणी व स्वच्छतेची काळजी, गर्दी गोंधळ होऊ नये म्हणून स्वतंत्र सुरक्षा यंत्रणा हे या महोत्सवाचे वैशिष्ट्य असते.
या महोत्सवाला हेमंत वरुटे, अजित माने, शिवसाई इव्हेंट मॅनेजमेंट अँड अमुजमेंट यांचे सहकार्य लाभणार आहे.
अशी माहिती अटल महोत्सवाचे आयोजक श्री शुभम प्रल्हाद बरगे यांनी दिली आहे. शहर व परिसरासाठी मोठी आनंदाची पर्वणी ठरणाऱ्या आणि लहानांपासून वृद्धांपर्यंत मन द्विगुणित करणाऱ्या अशा या उत्साही अटल महोत्सवांमध्ये शहर व परिसरातील सर्वांनीच लाभ घेण्याचे आवाहन देखील श्री शुभम बर्गे यांनी केले आहे.
