अविवाहित व्यक्तींना कॅन्सरचा (cancer)धोका तब्बल ८५ टक्क्यांनी अधिक असल्याचा धक्कादायक निष्कर्ष एका नव्या संशोधनातून समोर आला आहे. या अभ्यासामुळे वैवाहिक स्थिती आणि आरोग्य यामधील संबंधावर पुन्हा एकदा गंभीर चर्चा सुरू झाली आहे.
संशोधकांनी हजारो लोकांच्या (cancer)आरोग्याचा दीर्घकालीन अभ्यास केला असता, विवाहित व्यक्तींच्या तुलनेत अविवाहित, घटस्फोटित किंवा एकटे राहणाऱ्या लोकांमध्ये कॅन्सरचे प्रमाण अधिक असल्याचे आढळले. यामागे मानसिक ताण, एकटेपणा, अनियमित जीवनशैली आणि आरोग्य तपासण्यांकडे दुर्लक्ष ही प्रमुख कारणे असल्याचे तज्ज्ञांचे मत आहे.विवाहित व्यक्तींना भावनिक आधार, नियमित दिनचर्या आणि जोडीदाराकडून मिळणारी आरोग्याची काळजी यामुळे त्यांचे आरोग्य तुलनेने चांगले राहते, असेही या संशोधनात नमूद करण्यात आले आहे.
दुसरीकडे, अविवाहित लोकांमध्ये (cancer)ताणतणाव अधिक असल्याने त्याचा थेट परिणाम शरीरावर होत असल्याचेही स्पष्ट झाले आहे.या निष्कर्षानंतर आरोग्य तज्ज्ञांनी सर्वच व्यक्तींनी, विशेषतः एकटे राहणाऱ्यांनी, नियमित आरोग्य तपासणी करणे, संतुलित आहार घेणे आणि मानसिक आरोग्याकडे लक्ष देणे आवश्यक असल्याचे आवाहन केले आहे. तसेच समाजानेही एकटेपणाचा सामना करणाऱ्या लोकांना आधार देण्याची गरज असल्याचे अधोरेखित करण्यात आले आहे.
