कोल्हापूरमध्ये एक धक्कादायक(attacks) घटना समोर आली असून करवीर पंचायत समितीत एका महिलेने थेट अधिकाऱ्याचा गळा पकडल्याचा प्रकार घडला आहे. या घटनेचा व्हिडिओ सोशल मीडियावर मोठ्या प्रमाणात व्हायरल झाला असून सर्वत्र याची जोरदार चर्चा सुरू आहे.
मिळालेल्या माहितीनुसार, (attacks) संबंधित महिला काही कामानिमित्त पंचायत समितीत गेली होती. मात्र तिचं काम वेळेत न झाल्याने आणि वारंवार कार्यालयीन टाळाटाळ होत असल्याच्या आरोपामुळे ती संतापली. याच रागातून तिने अधिकाऱ्याशी वाद घालत थेट त्यांचा गळा पकडल्याचं व्हिडिओमध्ये दिसत आहे.
या घटनेनंतर कार्यालयात(attacks) काही काळ तणावपूर्ण वातावरण निर्माण झालं होतं. उपस्थित कर्मचाऱ्यांनी आणि नागरिकांनी मध्यस्थी करत परिस्थिती नियंत्रणात आणण्याचा प्रयत्न केला. दरम्यान, हा व्हिडिओ समोर आल्यानंतर प्रशासनही सतर्क झालं असून घटनेची चौकशी सुरू करण्यात आल्याची माहिती मिळत आहे. नागरिकांमध्ये मात्र या घटनेबाबत वेगवेगळ्या प्रतिक्रिया उमटत असून काही जण प्रशासनाच्या कामकाजावर प्रश्नचिन्ह उपस्थित करत आहेत, तर काहींनी अशा प्रकारच्या हिंसक वर्तनाचा निषेध केला आहे.
