देशातील इंधन आणि वायू पुरवठ्याबाबत केंद्र सरकारने मोठी माहिती दिली आहे. (Booking)मध्य-पूर्वेतील वाढता तणाव आणि होर्मुझच्या सामुद्रधुनीतील परिस्थितीच्या पार्श्वभूमीवर, भारतातील गॅस पुरवठा पूर्णपणे सुरळीत असल्याचे सरकारने स्पष्ट केले आहे. पेट्रोलियम आणि नैसर्गिक वायू मंत्रालयाने वितरणातील पारदर्शकता वाढवण्यासाठी काही नवीन तांत्रिक बदलही लागू केले आहेत.केंद्र सरकारच्या अधिकृत निवेदनानुसार, देशात सध्या गॅस सिलिंडरचा कोणताही तुटवडा नाही. मंत्रालयाच्या सहसचिव सुजाता शर्मा यांनी दिलेल्या माहितीनुसार, ९९ टक्के घरगुती सिलिंडरची नोंदणी आणि पुरवठा वेळेत पूर्ण केला जात आहे. व्यावसायिक सिलिंडरच्या बाबतीतही ७० टक्के मागणी पूर्ण होत असून, १४ मार्चपासून आतापर्यंत १८,२९,००० टन व्यावसायिक गॅसची विक्री झाली आहे.
वायू पुरवठ्याची सुरक्षा सुनिश्चित करण्यासाठी सरकारने पावले (Booking)उचलली असून, १४ एप्रिल रोजी २०,४०० मेट्रिक टन एलपीजी वाहून नेणारा मोठा टँकर गुजरातच्या कांडला बंदरात सुखरूप दाखल झाला आहे. अतिरिक्त सचिव मुकेश मंगल यांनी सांगितले की, या टँकरने ११ एप्रिल रोजी होर्मुझची सामुद्रधुनी यशस्वीपणे पार केली होती, ज्यामुळे देशातील साठा पुरेसा असल्याचे सिद्ध झाले आहे.गॅस सिलिंडर बुकिंग आणि पुरवठ्यातील संभाव्य फसवणूक रोखण्यासाठी सरकारने आता ‘ओटीपी-आधारित बुकिंग’ प्रणाली लागू करण्याचा निर्णय घेतला आहे.
या नवीन नियमानुसार, ग्राहकाच्या नोंदणीकृत मोबाईल क्रमांकावर (Booking)एक ओटीपी पाठवला जाईल. हा क्रमांक दिल्याशिवाय गॅस सिलिंडरची डिलिव्हरी मिळणार नाही, ज्यामुळे काळाबाजार रोखण्यास मदत होईल.तसेच, स्थलांतरित मजूर आणि एकट्या राहणाऱ्या कामगारांच्या सोयीसाठी एजन्सींनी ५ किलोचे छोटे सिलिंडर उपलब्ध करून दिले आहेत. हे सिलिंडर घेण्यासाठी कोणत्याही पत्त्याच्या पुराव्याची गरज नसून, केवळ ओळखपत्र दाखवून ते खरेदी करता येतील. ३ एप्रिलपर्यंत अशा ४०,००० मिनी सिलिंडरची विक्री झाली आहे. याशिवाय, घरगुती पीएनजी जोडण्यांना प्रोत्साहन दिले जात असून, पीएनजी घेणाऱ्या ग्राहकांना त्यांचे एलपीजी कनेक्शन परत करावे लागणार आहे.
