जून महिन्याच्या सुरुवातीलाच यंदाची अत्यंत विशेष आणि दुर्मिळ संकष्टी चतुर्थी येत आहे. हिंदू धर्मात भगवान श्री गणेशाला विघ्नहर्ता आणि बुद्धीचा देव मानले जाते.
प्रत्येक महिन्यातील कृष्ण पक्षातील चतुर्थी ही संकष्टी चतुर्थी म्हणून साजरी केली जाते. ‘संकष्टी’ या शब्दाचा अर्थच संकटांचा नाश करणारी चतुर्थी असा होतो. या दिवशी व्रत केल्याने जीवनातील सर्व अडथळे, संकटे आणि नकारात्मकता दूर होते, अशी अढळ श्रद्धा आहे.
जून महिन्यातील संकष्टीला विशेष महत्त्व का?
यंदाची संकष्टी चतुर्थी इतर महिन्यांपेक्षा वेगळी आणि अत्यंत खास आहे. ज्योतिषशास्त्रानुसार, यंदा ज्येष्ठ महिन्यात ‘अधिक मास’ ( पुरुषोत्तम मास) आला आहे. अधिक मास दर तीन वर्षांनी एकदाच येतो, त्यामुळे या महिन्यातील सण आणि व्रतांचे महत्त्व कैक पटीने वाढते. अधिक मासातील ही संकष्टी चतुर्थी तब्बल अडीच वर्षांनंतर येत असल्याने याला ‘दुर्मिळ योग’ मानले जात आहे.
धार्मिक मान्यतेनुसार, अधिक मासातील संकष्टी चतुर्थीचे व्रत केल्याने साधकाला त्याच्या मागील जन्मातील पापांपासून मुक्ती मिळते आणि बाप्पाचा अनंत आशीर्वाद प्राप्त होतो.
संकष्टी चतुर्थी 2026: तिथी आणि मुहूर्त
पंचांगानुसार, अधिक मासातील ही संकष्टी चतुर्थी 3 जून 2026 रोजी रात्री 09:21 वाजता सुरू होईल आणि 4 जून रोजी रात्री 11:30 वाजेपर्यंत चालेल. चतुर्थीच्या व्रतामध्ये चंद्रदर्शनाला अनन्यसाधारण महत्त्व असल्याने, ३ जून रोजीच भाविक उपवास धरतील आणि रात्री चंद्रदेवाला अर्घ्य देऊन व्रत सोडतील.
महाराष्ट्रातील प्रमुख शहरांमधील चंद्रोदय वेळ (3 जून 2026)
महाराष्ट्रातील प्रमुख शहरांमध्ये 3 जून रोजी चंद्रोदयाची ढोबळ पंचांग वेळ रात्री 09:52 ची असली, तरी स्थानिक भौगोलिक स्थितीनुसार अचूक वेळ वेगवेगळी असू शकते.
शहर चंद्रोदयाची अचूक वेळ
मुंबई (Mumbai) रात्री 09:55 वाजता
ठाणे (Thane) रात्री 09:55 वाजता
पुणे (Pune) रात्री 09:52 वाजता
नाशिक (Nashik) रात्री 09:51 वाजता
नागपूर (Nagpur) रात्री 09:31 वाजता
छत्रपती संभाजीनगर रात्री 09:46 वाजता
4 भाग्यशाली राशी: आयुष्याचं होणार सोनं!
या दुर्मिळ महायोगाचा शुभ प्रभाव सर्व राशींवर पडणार असला, तरी ज्योतिषशास्त्रानुसार ४ राशींसाठी हा दिवस अत्यंत लॉटरी लागण्यासारखा असेल:
सिंह राशी (Leo): करिअर आणि आर्थिक बाबतीत अभूतपूर्व यश मिळेल. नोकरीत वरिष्ठांकडून कौतुकाची थाप मिळेल आणि अडकलेली कामे मार्गी लागतील.
धनु राशी (Sagittarius): ३ जूनचा दिवस भाग्यवर्धक ठरेल. नवीन नोकरी किंवा व्यवसायाच्या संधी मिळतील. परदेशाशी संबंधित कामात मोठा लाभ होईल.
तूळ राशी (Libra): अचानक धनलाभाचे योग आहेत. व्यवसायात मोठा आर्थिक फायदा होईल. समाजात मान-सन्मान वाढेल आणि कौटुंबिक वातावरण आनंदी राहील.
मीन राशी (Pisces): या राशीच्या लोकांना मानसिक शांतता आणि समाधान लाभेल. करिअरमध्ये प्रगतीचे नवे मार्ग मोकळे होतील. आध्यात्मिक कार्यात ओढ वाढेल.
अशी आहे संकष्टी व्रताची सोपी पद्धत:
सकाळी लवकर उठून स्नान करावे आणि गणपती बाप्पाच्या पूजेचा संकल्प करावा.
दिवसभर सात्विक उपवास ठेवावा.
संध्याकाळी किंवा चंद्रोदयाच्या आधी पुन्हा एकदा गणेशपूजन करून बाप्पाला दुर्वा, तांबडी फुले आणि मोदकांचा नैवेद्य दाखवावा.
रात्री आपापल्या शहराच्या वेळेनुसार चंद्रदर्शन करून, चंद्राला अर्घ्य द्यावे आणि त्यानंतरच उपवास सोडावा.
