ऊस तोडणी मजूर पुरवठा करणाऱ्या अधिकाऱ्याच्या हत्तेने (Murder) एकच खळबळ उडाली आहे. बीड जिल्ह्यातील अधिकाऱ्याचं अपहरण करुन कोल्हापुरात खून केल्याचा धक्कादायक प्रकार उघडकीला आला आहे. विशेष म्हणजे शीर धडावेगळं करत ही अमानुष हत्या करण्यात आली. हत्येनंतर अधिकाऱ्याचा मृतदेह हिरण्यकेशी नदीत फेकून देण्यात आला होता. सुधाकर चाळक असं खून झालेल्या अधिकाऱ्याचं नाव आहे. आर्थिक व्यवहारातून हा खून झाल्याचं प्राथमिक तपासात निष्पन्न झालं आहे. या प्रकरणी दोघा जणांना अटक करण्यात आली आहे.
ऊस तोडणी मजूर पुरवठा करणारे अधिकारी सुधाकर चाळक यांची हत्या करण्यात आली आहे. बीड जिल्ह्यातील अधिकाऱ्याचं अपहरण करुन कोल्हापुरात खून करण्यात आल्याचा आरोप आहे. हिंसकतेचा कळस म्हणजे चाळक यांचं शीर धडावेगळं करत ही अमानुष हत्या करण्यात आली.
दरम्यान मारेकऱ्यांनी खून करुन मृतदेह कोल्हापूर जिल्ह्यातील गडहिंग्लज तालुक्यातील नांगणुर बंधाऱ्यावरून हिरण्यकेशी नदीत फेकून दिला होता. जिल्हा आपत्ती व्यवस्थापन विभागाच्या पथकान हा मृतदेह बाहेर काढला. या मृतदेहाच शीर सापडलेलं नसून त्याचा शोध अद्यापही सुरुच आहे.
आर्थिक व्यवहारातून हा खून झाल्याचं प्राथमिक तपासात निष्पन्न झालं आहे. या प्रकरणी दोघा जणांना अटक करण्यात आली आहे. पोलीस या प्रकरणाचा अधिक तपास करत आहेत.
