इंडियन क्रिकेट लीग म्हणजेच आयपीएल सीझन 16 चे उद्घाटन काही दिवसांनी होणार आहे. IPL 2023 च्या पहिल्या सामन्यात, गतविजेते गुजरात टायटन्स आणि चेन्नई सुपर किंग्ज हे संघ आमनेसामने असतील.त्याचवेळी, IPL 16 चा उद्घाटन सोहळा भव्य करण्यासाठी भारतीय क्रिकेट कंट्रोल बोर्ड (BCCI) कडे विशेष तयारी केली जात आहे. दरम्यान, आता बातम्या येत आहेत की आयपीएल 2023 च्या उद्घाटन समारंभात अनेक बॉलिवूड सेलिब्रिटी परफॉर्म करणार आहेत.
आयपीएलच्या सुरुवातीच्या सामन्यापूर्वी प्रत्येक वेळी बॉलीवूडचे सिनेतारक स्टेजवर आपल्या नृत्याने सर्वांना मंत्रमुग्ध करत आहेत. अशा परिस्थितीत आयपीएल 16 च्या उद्घाटन सोहळ्यात हे सेलिब्रिटी कसे मागे राहतील?
एका वृत्तवाहिनीच्या वृत्तानुसार, बॉलीवूड सुपरस्टार कतरिना कैफ, टायगर श्रॉफ, गायक अरिजित सिंग या स्पर्धेच्या उद्घाटन सोहळ्यात रंगत वाढवतील. याशिवाय दाक्षिणात्य सिनेसृष्टीतील सुपरस्टार रश्मिका मंदान्ना आणि तमन्ना भाटियाही त्यांना चांगली साथ देतील.
रिपोर्टनुसार, हे सर्व सेलिब्रिटी अहमदाबादच्या नरेंद्र मोदी क्रिकेट स्टेडियमवर यंदाच्या आयपीएलच्या उद्घाटन समारंभात आपला शानदार परफॉर्मन्स देतील. या बातमीनंतर चाहत्यांची उत्कंठा वाढली असून प्रत्येकजण आयपीएल 16 ची आतुरतेने वाट पाहत आहे. बॉलीवूड सेलिब्रिटी केवळ आयपीएलच्या उद्घाटन समारंभाच्या परफॉर्मन्सपर्यंतच नाहीत. तर, दोन आयपीएल फ्रँचायझींचे मालकही हिंदी चित्रपटसृष्टीतील दोन सुपरस्टार आहेत. ज्यामध्ये शाहरुख खानची कोलकाता नाईट रायडर्स आणि प्रीती झिंटाची किंग्स इलेव्हन पंजाब संघाचा समावेश आहे. यासोबतच क्रिकेटचे शौकीन असलेले अनेक चित्रपट कलाकारही स्टेडियममधून मॅच पाहताना दिसले.
