सोने आणि चांदी खरेदी करणे हे सर्वसमान्यांचे आता केवळ स्वप्न बनून राहिले आहे. दिवसेंदिवस वाढत चाललेले सोने आणि चांदी भाव हे सर्वसामान्य माणसांना न परवडणारे आहेत. पण आजचा सोन्याचा भाव पाहून अनेकांना आनंद देणारा आहे.
सोने आणि चांदीचे भाव गेल्या वर्षीपासून सतत वाढताना दिसत आहेत. आता हे भाव उतरले आहेत. त्यामुळे जर तुम्ही सोने आणि चांदी खरेदी करण्याचा विचार करत असाल तर आजचा दिवस तुमच्यासाठी खूप चांगला आहे.
आज जळगावच्या सराफ बाजारात सोन्या आणि चांदीच्या दरात मोठी घसरण झाली आहे. सोन्याच्या दरात 2 हजार 400 रुपयांची तर चांदीच्या दरात 15 हजार रूपयांची पडझड झाली आहे.
आज सोन्याचे दर जीएसटीसह 1 लाख 58 हजार 208 रुपयांवर आले आहेत. तर चांदीच्या दरात घसरण होत 2 लाख 57 हजार 500 रुपयांवर पोहोचले आहेत.
